ඇන්ටොනොව් 32 බිම හෙලූ දෙදෙනාට වසර 185ක සිරදඬුවම් - Lanka Sinhala gossip

Breaking

Home Top Ad

Post Top Ad

2019-01-10

ඇන්ටොනොව් 32 බිම හෙලූ දෙදෙනාට වසර 185ක සිරදඬුවම්

ඇන්ටොනොව් 32 ගුවන් යානයකට මිසයිල ප්‍රහාරයක් එල්ල කර 37 දෙනකු මරණයට පත් කිරීම සම්බන්ධයෙන් අධිචෝදනා ලැබ සිටි එල්ටීටීඊයේ මිසයිල බලඟනයේ සාමාජිකයන් දෙදෙනකුට උතුරු මැද පළාත් බද මහාධිකරණ විනිසුරු මහේෂ් වීරමන් මහතා වසර 185 බැගින් බරපතල වැඩ ඇතිව සිර දඬුවම් නියම කළේය.

පලාලි සිට රත්මලාන දක්වා පියාසර කරමින් තිබු ඇන්ටොනොව් 32 වර්ගයේ ගුවන් යානයකට විල්පත්තුව වනයේ සිට මිසයිල ප‍්‍රාහාරයක් එල්ල කර අැතැයි නඩුවේදී කියැවිණි. මිසයිල ප්‍රහාරය එල්ල කර ගුවන් යානය බිම හෙළන අවස්ථාවේ ගුවන් හමුදාවේ, නාවික හමුදාවේ සහ පොලිසියේ සාමාජිකයින් සහ යානය පදවමින් සිටි රුසියානු ගුවන් නියමුවා ඇතුළු 37 දෙනෙකු සිට ඇත.

මෙම සැකකරුවන්ට නීතිපතිවරයා වෙන් වෙන්ව අධිචෝදනා 37 බැගින් ගොනු කර තිබුණු අතර එම සියලුම චෝදනාවලට සැකකරුවන් දෙදෙනා වරද පිළිගත්හ.

2000 වසරේ මාර්තු මස 30 වන දින හෝ ඊට ආසන්න දිනයක මෙම අපරාධය සිදු කර තිබිණි.


No comments:

Post a Comment

Post Bottom Ad

Pages