අර්ජුන්ට සහ කසුන්ට ඇප - Lanka Sinhala gossip

Breaking

Home Top Ad

Post Top Ad

2019-01-01

අර්ජුන්ට සහ කසුන්ට ඇප

බැංකු බැඳුම්කර සිද්ධිය සම්බන්ධයෙන් වසරකට ආසන්න කාලයක් රක්ෂිත බන්ධනාගාර ගත කර සිටි පර්පචුවල් ට්‍රෙෂරීස් සමාගමේ හිමිකරු අර්ජුන් ඇලෝසියස් සහ එම සමාගමේ ප්‍රධාන විධායක කසුන් පළිසේන ඇප මත මුදාහැරීමට කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය අද(01) නියම කළේය.

ඒ අනුව එක් එක් සැකකරු රුපියල් මිලියනයක මුදල් ඇප සහ රුපියල් මිලියන 20 බැගින් වූ ශරීර ඇප හතරක් මත මුදාහැරීමට නියම කළ ප්‍රධාන මහේස්ත්‍රාත්වරිය ඇපකරුවන් හතර දෙනාගෙන් දෙදෙනෙකු ළඟම ඥාතීන් විය යුතු බව ද නියම කර තිබේ.

ඒ අනුව සැකකරුවන්ගෙ විදේශ ගමන් සම්පූර්ණයෙන්ම තහනම් කළ අධිකරණය ඔවුන්ගේ විදේශ ගමන් බලපත්‍ර අධිකරණය වෙත භාරදිය යුතු බව නියම කළේය.

එමෙන්ම සෑම ඉරු දිනකම පෙරවරු 9ත් 12ත් අතර රහස් පොලීසිය හමුවේ වාර්තා කළ යුතු බවටද මහෙස්ත්‍රාත්වරිය සැකකරුවන්ට නියම කර තිබේ.


Post Bottom Ad

Pages