විදුලිය ඉල්ලුම මානව අයිතියක් - Lanka Sinhala gossip

Breaking

Home Top Ad

Post Top Ad

2019-02-13

විදුලිය ඉල්ලුම මානව අයිතියක්

Author(s): 
චමීර ඇල්ලදෙණිය

කිසිදු බාහිර සාධකයක් නොසලකා, මානව අයිතිවාසිකමක් පමණක් සේ සලකා, ඉල්ලුම් කරන සැමට ඉදිරියේදී විදුලි සබඳතා ලබාදීමට කටයුතු කරන ලෙස විදුලිබල බලශක්ති සහ ව්‍යාපාර සංවර්ධන ඇමැති ඇමැති රවී කරුණානායක මහතා නිලධාරින්ට උපදෙස් ලබාදුන්නේය.

ජාතික මට්ටමෙන් පළාත්සභාවල තිබෙන ප්‍රශ්න විසදීම යටතේ බස්නාහිර පළාත්සභාව තුළ ජීවත්වන ජනතාවට බලපා ඇති ගැටලු, දුෂ්කරතා අධ්‍යයනය කර අදාළ ගැටලු විසඳීම වෙනුවෙන් ගතහැකි ක්‍රියාමාර්ග ගැන සාකච්ඡා කිරීම සඳහා පෙරේදා (11දා) බස්නාහිර පළාත් ආණ්ඩුකාර අසාද් සාලි මහතා හමුවූ අවස්ථාවේ, විෂයබාර අමාත්‍යවරයා මේ බව පැවසීය.

මෙහිදී වැඩිදුරටත් අදහස් දැක්වූ ඇමැති කරුණානායක මහතා, සමස්ත දිවයින පුරාම, ඕනෑම පුද්ගලයෙකුට, තමන් ජිවත්වන ස්ථානයට කිසිදු පදනමකින් තොරව විදුලිය ලබාගැනීමට අවස්ථාව සලසා දෙන්න කියලා මම ලංකා විදුලිබල මණ්ඩයෙන් ඉල්ලීමක් කරනවා. මීට ඉහතදී යම් කෙනෙක් නව විදුලි සම්බන්ධතාවක් අයදුම් කළාම, අදාළ නිවාසයේ පදිංචිව සිටින පදනම කුමක්ද, කොපමණ කාලයක්ද, අදාළ නිවසේ හිමිකාරීත්වය කාගේද ආදී ගැටලු රාශියකට මුහුණ දෙන්න සිදුවුණා.

නමුත් ඉදිරියේදී එවැනි කිසිදු ගැටලුවකින් තොරව, ඉල්ලුම් කරන සියලු දෙනාටම විදුලිය ලබාදීමේ වැඩපිළිවෙලක් ක්‍රියාත්මක කරනවා. විදුලිය කියන්නේ මිනිසාගේ මූලික යටිතල පහසුකමක්. ඒක ලබාගැනීම මානව අයිතිවාසිකමක්. තමා ජීවත්වන තැන තමාට අයිතිවාසිකමක් තිබෙනවා. ඒ අයිතිවාසිකම උල්ලංඝණය නොකර, ජනතාවට විදුලිය ලබා දෙන්න අපි කටයුතු කරනවා.

අද වනවිට සමස්ත දිවයිනේ බොහෝමයක් දිස්ත්‍රික්කවල විදුලියනය 100‍%ක් බවට පත්කර තිබෙනවා. යාපනය, කිලිනොච්චිය, මුලතිව්, මන්නාරම, පුත්තලම, කුරුණෑගල, මාතලේ, බදුල්ල සහ මොණරාගල යන දිස්ත්‍රික්කයන්ගේ 1‍%ක් වැනි සුළු ප්‍රමාණයන්ගෙන් තවමත් විදුලිය නොමැති ජන කොටස් ජීවත් වෙනවා. මූල්‍ය අවහිරතා, ප්‍රධාන ජාලයට ළඟාවිය නොහැකි ස්ථානවල ජීවත්වීම, සාම්ප්‍රධායිකත්වය, ඉඩම් හිමිකාරීත්වය නොමැතිකම වැනි යම් යම් හේතූන්මත මෙම 1‍%ක ප්‍රමාණයක් තවමත් විදුලි එළිය නොලබා සිටිනවා. මෙයින් වැඩිවශයෙන් බලපා ඇති ගැටලුව ලෙස, නව විදුලි සබඳතා ඉල්ලුම් කිරීමේදි ලංකා විදුලිබල මණ්ඩලය වෙත සපුරාලිය යුතු අවශ්‍යතාවන් බලපා ඇති බව වාර්තා වෙනවා.

විදුලිබල මණ්ඩලයේ ස්ථාවරත්වය, රදා පැවැත්ම බලපානු ලබන්නේ විදුලි පාරිභෝගික ජනතාව මතයි. එබැවින් අපි මූලිකව ඔවුන්ගේ විදුලි අවශ්‍යතා පිළිබදව අවධානය යොමු කළ යුතුයි. කෙනෙක් යම් ස්ථානයක කුලී පදනම, බදු පදනම ආදි ඕනෑම පදනමක් මත පදිංචිව සිටිනාවිට ඔහුට එහි යම් හිමිකාරිත්වයක් ලැබෙනවා. ඒ හිමිකාරිත්වය පමනක් පදනම් කරගනිමින්, මානව හිමිකමක් සේ සලකා ඉදිරියේදී විදුලිය ඉල්ලුම් කරන සැමට සබදතා ලබාදිමට අපි කටයුතු කරනවා

No comments:

Post a Comment

Post Bottom Ad

Pages