ශ්‍රීලනිපය අවසාන මොහොතේ අයවැයට විරුද්ධව අත උස්සනවා - Lanka Sinhala gossip

Breaking

Home Top Ad

Post Top Ad

2019-03-16

ශ්‍රීලනිපය අවසාන මොහොතේ අයවැයට විරුද්ධව අත උස්සනවා

අය-වැය අවසන් ඡන්ද විමසීමේදී එක්සත් ජාතික පක්ෂයට විරෝධය පළකරමින් සිය ඡන්දය භාවිත කරන බව ශ්‍රී ලංකා නිදහස් පක්ෂයේ භාණ්ඩාගාරික, මහනුවර දිස්ත්‍රික් පාර්ලිමේන්තු මන්ත්‍රී එස්.බී. දිසානායක මහතා පවසයි.

අයවැය ඡන්ද විමසීමේ ප්‍රථම අවස්ථාවේදීම ඊට විරුද්ධව ඡන්දය ප්‍රකාශ කිරීමට අදහස් කළ නමුත් පක්ෂ සමගිය ආරක්ෂා කිරීම සඳහා අය-වැයට පක්ෂව ඡන්දය ප්‍රකාශ කරන ලෙස ඉහළින් පැමිණි උපදෙසක් අනුව ක්‍රියාකිරීමට සිදුවුණු බව අද (16) මහනුවරදී පැවැති ශ්‍රී ලංකා නිදහස් පක්ෂයේ ප්‍රතිසංවිධාන වැඩපිළිවෙල හමුවේ පාර්ලිමේන්තු මන්ත්‍රීවරයා මේ බව ප්‍රකාශ කළේය.

ශ්‍රී ලංකා නිදහස් පක්ෂයේ මහලේකම්ට හිටපු අමාත්‍ය දයාසිරි ජයසේකර මහතා පවා අයවැයට විරුද්ධව ඡන්දය ප්‍රකාශ කිරීමට තරයේ අදහස් කළත් පක්ෂයේ සමගිය ආරක්ෂා කරගැනීම සඳහා ලැබුණු උපදෙස අනුව ක්‍රියා කළ බව කී පාර්ලිමේන්තු මන්ත්‍රීවරයා තවදුරටත් මෙසේ ප්‍රකාශ කළේය.

වාමාංශික ප්‍රගතිශීලී පක්ෂ වන ශ්‍රී ලංකා නිදහස් පක්ෂය, පොදුජන පෙරමුණ, සමසමාජ පක්ෂය, කොමියුනිට්ස් පක්ෂය, වාසුදේව නානායක්කාර මහතාගේ නව වාමාංශික පෙරමුණ, විමල් වීරවංශ මහතාගේ ජාතික නිදහස් පෙරමුණ, උදය ගම්මන්පිල මහතාගේ පක්ෂය, තොන්ඩමන්, අතාවුල්ලා, හිස්බුල්ලා යන සියලු දෙනාගෙන් යුත් පුළුල් දේශප්‍රේමී වාමාංශික සමගියක් අපේක්ෂා කරන බවද මන්ත්‍රීවරයා කියා සිටියේය.


No comments:

Post a Comment

Post Bottom Ad

Pages