සුඩාන ජනපති අත්අඩංගුවට - Lanka Sinhala gossip

Breaking

Home Top Ad

Post Top Ad

2019-04-12

සුඩාන ජනපති අත්අඩංගුවට

(ක්‍රිසන්ති විතාරණ)
 
වසර 30ක් පමණ බලයේ සිටි සුඩාන ජනාධිපති ඔමාර් අල් බෂීර් බලයෙන් පහකර අත්අඩංගුවට ගත් බව සුඩාන ආරක්ෂක අමාත්‍යවරයා පවසයි.
 
රජයේ රුපවාහිනිය ඔස්සේ ජනතාව ඇමතූ ආරක්ෂක අමාත්‍ය අවාඩ් ඉබ්න් ඔව්ෆ් , හමුදාව වසර දෙකක සංක්‍රාන්ති කාලයක් රට මෙහෙයවා ඉන් අනතුරුව මැතිවරණයක් පවත්වන බව සඳහන් කළේය. රට තුළ මාස තුනක් හදිසි නීතිය බල පැවැත්වෙනු ඇති බවද ඔහු පැවසීය.  
 
සුඩාන ආරක්ෂක අමාත්‍යවරයා තවදුරටත් පැවසුවේ ව්‍යවස්ථාව බල රහිත කරන ලද අතර දේශසීමා හුවමාරු ස්ථාන නැවත දැනුම් දෙනතුරු වසා දමා ඇති බවය. ගුවන් කලාපය පැය 24 කට වසා දැමු බව‍ද ඔහු සඳහන් කළේය.
රට තුළ සිටින සියලු දේශපාලන සිරකරුවන් නිදහස් කිරීමට ක්‍රියාකරන බව සුඩාන රහස් ඔත්තු සේවය පැවසීය. 
 
පසුගිය දෙසැම්බර් මස ඉන්ධන සහ පාන් මිල වැඩිකරන බව රජය නිවේදනය කිරීමෙන් පසු 1989 සිට බලයේ සිටි ඕමාර් අල් බෂීර් ට එරෙහිව මාස කිහිපයක් පුරා උද්ඝෝෂණ පැවැත්විණි.උද්ඝෝෂකයින් පෙන්වා දෙන්නේ අන්තර්වාර කාලය තුළ සිවිල් කවුන්සිලයක් මගින් රට පාලනය කළ යුතු අතර එයට හමුදා මැදිහත්වීමක් අනවශ්‍ය බවය.
 
උද්ඝෝෂකයින් පිරිසක් හමුදා මුලස්ථානය ඉදිරිපිට වාඩිවී සිටින බව වාර්තා විය.

No comments:

Post a Comment

Post Bottom Ad

Pages