කුලියාපිටිය ප්‍රාදේශීය සභාවේ බලය පිහිටුවිම සඳහා පොහොට්ටුව කබරගොයා තලගොයා කර ගැනීමේ න්‍යාය අනුගමනය කළා. - Lanka Sinhala gossip

Breaking

Home Top Ad

Post Top Ad

2019-06-25

කුලියාපිටිය ප්‍රාදේශීය සභාවේ බලය පිහිටුවිම සඳහා පොහොට්ටුව කබරගොයා තලගොයා කර ගැනීමේ න්‍යාය අනුගමනය කළා.

කුලියාපිටිය ප්‍රාදේශීය සභාවේ බලය පිහිටුවීම සඳහා රිෂාඩ් බදියුදීන් මහතාගේ පක්ෂයේ මන්ත්‍රීවරුන් දෙදෙනා සම්බන්ධ කරගත් ‘පොහොට්ටුව පක්ෂය’ ඒ මහතා වත්මන් ආණ්ඩුවේ ඇමතිකමක් දැරීම දේශද්‍රෝහි ක්‍රියාවකැයි පැවසීම තම වාසිය සදහා කබරගොයා තලගොයා කර ගැනීමේ න්‍යාය අනුගමනය කිරීමක් බව අධ්‍යාපන අමාත්‍ය නීතීඥ  අකිල විරාජ් කාරියවසම් මහතා ප්‍රකාශ කරනවා.

අමාත්‍යවරයා එසේ ප්‍රකාශ කළේ කුලියාපිටිය නගර සභා පිටියේ දී සමෘද්ධී ලාභීන් 2500 දෙනෙකුට සමෘද්ධි හිමිකම්පත් පිරිනැමීමේ අවස්ථාවේ දීය.

පසුගිය පළාත් පාළන ඡන්ද විමසීමේ දී කුලියාපිටිය නගර සභාවේ 50% කට වැඩියෙන් ඡන්ද ලබා ගනිමින් බලය පිහිටුවීමට හැකි වුවත් කුලියාපිටිය ප්‍රාදේශීය සභාවේ කවර පක්ෂයකට හෝ 50% ක ඡන්ද ලබා ගත හැකි නොවූ බැවින් පොහොට්ටු පක්ෂය බලය පිහිටුවා ගත්තේ  රිෂාඩ් බදියුදීන් මහතාගේ පක්ෂයේ මන්ත්‍රීවරුන් දෙදෙනා සම්බන්ධ කරගැනීම නිසා බව සිහිපත් කර දුන් අමාත්‍යවරයා  එසේ නොවේනම් බලය පිහිටුවන්නේ එක්සත් ජාතික පක්ෂය බව ද පැවසුවා.

 “ ඒ මන්ත්‍රීවරු දෙන්නා අරගෙන බලය පිහිටුවන්න හොඳ වූ පොහොට්ටුව ම රිෂාඩ් බදියුදීන් මැතිතුමා වත්මන් ආණ්ඩුවේ ඇමතිකම් දරන විට දේශද්‍රෝහි ක්‍රියාවක් වෙලා.  ඒක තමන්ගේ වාසියට කබරගොයා තලගොයා කර ගැනීමේ න්‍යායයි.” යනුවෙන් අමාත්‍යවරයා සඳහන් කළා.

දේශපාලන බලය හා පැවැත්ම උදෙසා යටි අරමුණින් ජාතික වැඩසටහන් ක්‍රියාත්මක කරයි නම් ඒවා ලැජ්ජා සහගත ක්‍රියාවක් බව ද  ජනතා සුබ සෙත වෙනුවෙන් කුමක් ලබා දුන්න ද දේශපාලන පක්ෂ පාට බේදයෙන් තොරව නියම සුදුස්සාට ම පමණක් හිමිකර දිය යුතු බව ද අමාත්‍යවරයා එහි දී පෙන්වා දුන්නා.

පසුගිය වකවානුවේ සමෘද්ධි දීමනාව ඊට සුදුසු පවුල් සඳහා නොලැබුණත් අවස්ථා රාශියක් පැවති බවත් සිදුකර තිබූ එම අසාධාරණයන්ට සාධාරණය ඉටුකිරීමට වත්මන් රජයට අවස්ථාව හිමි වූ බවත් අමාත්‍යවරයා පැවසුවා.

2015 වසරේ වත්මන් ආණ්ඩුව බලයට පත්වන අවස්ථාව වනවිට පසුගිය රජයෙන් සමෘද්ධි ව්‍යාපාරය සඳහා වෙන්කොට තිබුණේ මිලියන 14 000ක් වුවත් වත්මන් ආණ්ඩුව බලයට පත්වී කෙටිකලක දී සමෘද්ධි දීමනාව වැඩි කිරීම පිණිස රුපියල් මිලියන 45000 දක්වා ප්‍රතිපාදන වෙන් කිරීමට හැකි වූ බව ද අමාත්‍යවරයා සඳහන් කළා. එතෙක් විවිධ මට්ටම්වලින් ක්‍රියාත්මක වූ සමෘද්ධි දීමනාව විශාල ප්‍රතිශතයකින් ඉහළ නංවා සමෘද්ධිලාභීන්ට සහන සැලසීමට හැකි වූ බව ද පෙන්වා දුන්නා.

මෙරට පැවති වෙනත් ආණ්ඩු මෙන් නොව සංදර්ශණවලින් තොරව සංවර්ධනය වෙනුවෙන් ම ඇප කැප වී ක්‍රියාකළ වත්මන් ආණ්ඩුව ගම්මාන දස දහසකින් ආරම්භ කර ග්‍රාමීය පෙදෙස් හි පටු මාවත දක්වා සංවර්ධනය කරන ගම්පෙරළිය ව්‍යාපෘතිය පිළිබඳව සඳහන් කළ අමාත්‍යවරයා එමගින් ග්‍රාමීය ජනතාවට විශාල දියුණුවක් අත්පත් කරදෙන බව ද පැවසුවා.

කිසිම ජාතියක් තවත් ජාතියක් ගැරහීමට ලක් නොකර  සියලුම ජාතී හා ආගම්වලට ගරුකළ යුතු බව පෙන්වා දුන් අමාත්‍යවරයා ජාතික සමගිය බිඳ දැමීම සඳහා වැරදි කරන පුද්ගලයින්ට දඩුවම් දීමට නොපැකිලව ක්‍රියාකරන බව ද විපක්ෂයෙන් කවර විවේචන එල්ල වුවත් සැමදෙනාටම සාධාරණ සංවර්ධනයක් උරුම කර දීම සඳහා තමා කැප වී ක්‍රියාකරන බව ද  සඳහන් කළා.

The post කුලියාපිටිය ප්‍රාදේශීය සභාවේ බලය පිහිටුවිම සඳහා පොහොට්ටුව කබරගොයා තලගොයා කර ගැනීමේ න්‍යාය අනුගමනය කළා. appeared first on Lanka News Column.

No comments:

Post a Comment

Post Bottom Ad

Pages