බෙහෙත්-නවීන වෛද්‍ය උපකරණ මිලට ගැනීමේදී ප්‍රතිලාභවලට වඩා විශාල මුදලක් අක්‍රමිකතාවලට - Lanka Sinhala gossip

Breaking

Home Top Ad

Post Top Ad

2019-07-01

බෙහෙත්-නවීන වෛද්‍ය උපකරණ මිලට ගැනීමේදී ප්‍රතිලාභවලට වඩා විශාල මුදලක් අක්‍රමිකතාවලට

ජනපති

ඖෂධ හා නවීන වෛද්‍ය උපකරණ මිලදී ගැනීමේ දී ඉන් ජනතාවට ලැබෙන ප්‍රතිලාභයට වඩා විශාල මුදලක් අක්‍රමිකතාවට ලක්වීම බටහිර වෛද්‍ය ක්ෂේත්‍රය තුළ ප්‍රබල ගැටලුවක් බවට පත්ව ඇති බව ජනාධිපතිවරයා පවසයි.

ජනාධිපති මෛත්‍රීපාල සිරිසේන මහතා මේ බව ප්‍රකාශ කළේ මනම්පිටිය ග්‍රාමීය ආයුර්වේද රෝහලේ නව වාට්ටු සංකීර්ණය ජනතා අයිතියට පවරාදීමේ අවස්ථාවට පසුගියදා (28) පස්වරුවේ එක් වෙමිනි.

මනම්පිටිය ග්‍රාමීය ආයුර්වේද රෝහලේ පැවති දීර්ඝ කාලීන අඩුපාඩුවක් සපුරාලමින් පිබිදෙමු පොළොන්නරුව දිස්ත්‍රික් සංවර්ධන වැඩසටහන යටතේ ඉදිකර තිබෙන මේ වාට්ටු සංකීර්ණය සඳහා වැය කර ඇති මුදල රුපියල් ලක්ෂ 165කි.

ඇඳන් 28කින් සමන්විත වාට්ටු සංකීර්ණය බාහිර රෝගී ප්‍රතිකාර අංශයක් ඇතුළු සියලු පහසුකම්වලින් සමන්විතය. මේ උත්සව සභාව ඇමතූ ජනාධිපතිතුමා වැඩිදුරටත් සඳහන් කළේ අපගේ ආයුර්වේද සහ දේශීය වෛද්‍ය ක්‍රමය ඉහළ වටිනාකමකින් සමන්විත බවයි. බටහිර වෛද්‍ය විද්‍යාව කෙතරම් දියුණු වුව ද මෙරට දේශීය වෛද්‍ය ක්‍රමයේ වටිනාකම් තවමත් යටපත් කිරීමට නොහැකි වී ඇති බව ද ජනාධිපතිවරයා පෙන්වා දුන්නේය.

සමරු ඵලකය නිරාවරණය කර නව වාට්ටු සංකීර්ණය විවෘත කළ ජනාධිපතිවරයා එහි නිරික්ෂණ චාරිකාවක ද නිරත විය.

උතුරු මැද පළාත් සෞඛ්‍ය හා දේශීය වෛද්‍ය අමාත්‍යාංශයේ ලේකම් සමන් බන්දුලසේන, උතුරු මැද පළාත් ආයුර්වේද කොමසාරිස් කුමාර අල්විස්, දිඹුලාගල ප්‍රාදේශීය සභාවේ සභාපති ජයන්ත මාරසිංහ යන මහත්වරුන් ඇතුළු පිරිසක් මේ අවස්ථාවට එක්ව සිටියහ.

මේ අතර පිබිදෙමු පොළොන්නරුව වැඩසටහන යටතේ ක්‍රියාත්මක ජීවනෝපාය මාර්ග සංවර්ධන වැඩසටහන යටතේ ජනතාවට ප්‍රතිලාභ බෙදාදීමක් ද පසුගියදා (28) පුලතිසි බුද්ධි මණ්ඩපයේ දී පැවැත්විණි.

දහම් පාසල් සහ පෙර පාසල් සඳහා මේස පුටු ප්‍රදානය, අඩු ආදායම්ලාභී පවුල් වෙනුවෙන් ඉදිකෙරුණු නිවාස 63ක් නිවාසලාභීන් වෙත පවරාදීම, සංචාරක ආකර්ෂණය සහිත ස්ථානවල වෙළෙඳාමේ නිරත වෙළඳුන්ට ජංගම අළෙවි කුටි ලබාදීම, බෝට්ටු සහ ධීවර ආම්පන්න ප්‍රදානය ඇතුළු වැඩසටහන් රැසක් මෙහිදී ජනාධිපතිවරයා අතින් සංකේතවත් කෙරිණි.

පොළොන්නරුව නගරාධිපති චානක සිදත් රණසිංහ මහතා සහ ප්‍රදේශයේ මහජන නියෝජිතයන් රැසක් ද, දිස්ත්‍රික් ලේකම් පණ්ඩුක අබේවර්ධන මහතා ඇතුළු රාජ්‍ය නිලධාරිහු මේ අවස්ථාවට එක්ව සිටියහ.

No comments:

Post a Comment

Post Bottom Ad

Pages