පළාත් කිහිපයක වායු ගුණාත්මක දර්ශකය පහළට - Lanka Sinhala gossip

Breaking

Home Top Ad

Post Top Ad

2019-11-07

පළාත් කිහිපයක වායු ගුණාත්මක දර්ශකය පහළට

කොළඹ නගරය හා වයඹ සහ උතුරු පළාත්වල වායු ගුණාත්මක දර්ශකය තරමක් පහළ ගොස් ඇතැයි ජාතික ගොඩනැගිලි පර්යේෂණ සංවිධානයේ ජ්‍යෙෂ්ඨ විද්‍යාඥ සරත් ප්‍රේමසිරි පවසයි.

ඔහු පැවසුවේ සාමාන්‍යයෙන් කොළඹ නගරය ආශ්‍රිත වායු ගුණාත්මක දර්ශක අගය 40 ට අඩු විය යුතු වුව ද මේ වනවිට එම දර්ශක අගය 120 ක් ලෙස සටහන්ව ඇති බවයිෙ.

එහෙත්, ඊයේ එම අගය දැක්වුණේ 148 ක් ලෙසටයි.

ආසියාවේ රටවල් රැසකින් මේ දිනවල එවැනි තත්ත්වයක් වාර්තා වන වන අතර ඉන්දියාවේ නවදිල්ලි නුවර ආශ්‍රිතව පවතින වායු දූෂණ තත්ත්වය සුළං ප්‍රවාහය සමග පැමිණීමෙන් වායු ගෝලයේ ඇති දුවිලි අංශු ප්‍රමාණය ඉහළ යාම ඒ කෙරෙහි බලපා ඇතැයි ද ජ්‍යෙෂ්ඨ විද්‍යාඥ සරත් ප්‍රේමසිරි පැවසුවේ ය.

මේ අතර අද උදෑසනවන විට නවදිල්ලි නගරය ආශ්‍රිත වායු දූෂණ තීව්‍රතාව පහළ අගයක් පෙන්නුම් කරමින් වාතයේ ගුණාත්මකභාවය තරමක් ඉහළ අගයකට පැමිණ ඇති බව වාර්තා වේ.

ඒ අනුව පාසල් යළි විවෘත කිරීමට තීරණය කර ඇතත්, වාතයේ ගුණාත්මකභාවය තහවුරුවන තෙක් බොහෝ පාසල්වල එළිමහන් ක්‍රියාකාරකම් අත්හිටුවීමට පියවර ගෙන තිබේ. 

නවදිල්ලි නගරයේ මහජන සෞඛ්‍ය හදිසි තත්ත්වයක් ප්‍රකාශයට පත් කිරීමට ද පියවර ගැණුනි.
 
ඉදිකිරීම් කටයුතු තාවකාලිකව තහනම් කිරීමට මෙන්ම අධික දුම නිකුත් වන පෞද්ගලික රථවාහන භාවිතය සහ කැළිකසල අවිධිමත් ලෙස පිළිස්සීම වැනි ක්‍රියා සීමා කිරීමට ද පියවර ගෙන ඇති බව ඉන්දීය මාධ්‍ය වාර්තා කර ඇත. 

 

No comments:

Post a Comment

Post Bottom Ad

Pages