මහජනතාවට බර පටවමින් කටයුතු කිරීම රජයේ ප්‍රතිපත්තිය නොවෙයි - Lanka Sinhala gossip

Breaking

Home Top Ad

Post Top Ad

2019-12-03

මහජනතාවට බර පටවමින් කටයුතු කිරීම රජයේ ප්‍රතිපත්තිය නොවෙයි

ඉන්ධන යනු අපේ රටේ සම්පතක් නොවන බැවින් පැවති මිල ගණන් දිගටම පවත්වා ගෙන යන්නේ යැයි පැවසීමට නොහැකි නමුත් මහජනතාවට බර පටවමින් කටයුතු කිරීම වත්මන් රජයේ ප්‍රතිපත්තිය නොවන බවද, සදහන් කළේය.
 
අමාත්‍යවරයා මෙම අදහස් ප්‍රකාශ කළේ ඊයේ (02) පස්වරුවේ සපුගස්කන්ද ඛනිජතෙල් පිරිපහදුවේ අංගනය නිරීක්ෂණ චාරිකාවට එක්වෙමිනි.
 
ලංකා ඛනිජ තෙල් සංස්ථාව මේ රටේ ආර්ථිකයට විශාල බලපෑමක් කරන ආයතනයක්. එම සංස්ථාව ආරක්ෂා කරගැනීම රජයේ මෙන්ම එහි කාර්ය මණ්ඩලයේද වගකීමක්. ඛනිජ තෙල් නීනිගත සංස්ථාව ලාභ ලබන ආයතනයක් වශයෙන් තවදුරටත් පවත්වාගෙන යෑමට පියවර ගන්නා බවද අමාත්‍යවරයා මෙහිදී කියා සිටියේය. එමෙන්ම ඛනිජ තෙල් පිරිපහදුකරණය සම්බන්ධව ලෝකයේ ඇති නවීන තාක්ෂණික උපකරණ නිපදවා ඇති බැවින් සපුගස්කන්ද පිරිපහදුව සඳහා නවීන තාක්ෂණික උපකරණ හදුන්වා දීමට රජය ඉදිරියේදී කටයුතු කරන බවද අමාත්‍යවරයා ප්‍රකාශ කළේය.
 
වැඩිදුරටත් අදහස් දැක්වූ අමාත්‍යවරයා,
 
ඉදිරි වසර කිහිපය තුළ සපුගස්කන්ද තෙල් පිරිපහදුවේ නවීකරණ කටයුතු  අනිවාර්යයෙන්ම සිදුකළ යුතු අතර දැනට එහි කාර්යය මණ්ඩල අපහසුතා මධ්‍යයේ  වුවද ගුණාත්මක බවින් ඉහළ නිෂ්පාදන රටට ලබාදීමට කටයුතු කිරීම අගය කළ යුතුය.
 
ඉදිරි මැතිවරණ ජයග්‍රහණය සඳහා ශ්‍රී ලංකා නිදහස් පක්ෂයත්, ශ්‍රී ලංකා පොදු ජන සංධානයත් එකට එක්ව කිසිදු ගැටලුවකින් තොරව කටයුතු කරන බවද කී අමාත්‍යවරයා වත්මන් ජනාධිපති ගෝඨාභය රාජපක්ෂ මැතිතුමා හා අග්‍රාමාත්‍ය මහින්ද රාජපක්ෂ මැතිතුමාගේ අභිප්‍රාය වන්නේ සෑම විටම මහජනතාව උදෙසා කැපවී කටයුතු කිරීම බවද පැවසීය.
 

No comments:

Post a Comment

Post Bottom Ad

Pages