පඩි වැඩි නොකළොත් ඡන්දේ නැහැ - Lanka Sinhala gossip

Breaking

Home Top Ad

Post Top Ad

2020-01-11

පඩි වැඩි නොකළොත් ඡන්දේ නැහැ

වතු කම්කරැ වැටුප වැඩි නොකළ හොත් මහාමැතිවරණයේදී ඡන්දය දැමීම වර්ජනය කරන බව පහත රට වතු කම්කරුවන්ගේ සංගමයේ සභාපති රුවන් ගාල්ලගේ පවසයි.  ඔහු මේ බව පවසා තිබුණේ සංගමයේ සභාපතිවරයා ලෙස මාධ්‍ය නිවේදනයක් නිකුත් කරමිනි.

“වතුකරයේ බහුතරයක්වූ හින්දු භක්තිකයන් මහත් භක්තියෙන් යුතුව තෛයිපොන්ගල් උත්සවය මෙම 15 වන දින සමරති. ස්භාවදහමට ලැදියාවෙන් යුතුව සූර්යාට හා ගව මහේෂාදීන්ට කෘත ගුණ සැලකීම මුල් කරගෙන පැවැත්වෙන තෛයිපොන්ගල් උත්සවය තුළින් වසර පුරාම ඔවුන් සොභා දහමේ හා දෙවියන්ගේ ආශිර්වාදය බලාපොරොත්තු වෙති.

ඉර හද මෙන් විශ්වාස කරමින් බලයට පත්කළ පාලකයා ජනාධිපතිවරණයේ දී පොරොන්දු වූ පරිදි කම්කරැ වැටුප රැපියල දහස දක්වා වැඩි කිරීම දිගින් දිගටම මගහරිමින් සිටියි. අත්‍යවශ්‍ය ආහාර මිල ඉහළයාම, විදුලි බිල ගෙවා ගැනීමට නොහැකිවීම, පාසැල් ළමයින්ගේ පොත්පත් ආදිය මිලට ගැනීමට නොහැකිවීම යන කරැණු නිසා  මේ වතු කම්කරුවා අන්ත අසරණ තත්වයට පත්ව ඇත.

දේශපාලකයින් කෙරෙහි විශ්වාසයක් නැති පහත රට වතු කම්කරුවන් අප ඉදිරි මැතිවරණයට පෙර වතු කම්කරු වැටුප් ගැටලුවට කඩිනම් විසදුමක් නොලැබුනොත් මෙවර මහමැතිවරණයේදී ඡන්දය වර්ජනය කිරීමට කටයුතු කරන බව රජයට අවධාරණය කර සිටිමු.” ඔහු එම නිවේදනයෙන් පවසා තිබේ.

The post පඩි වැඩි නොකළොත් ඡන්දේ නැහැ appeared first on Lanka News Column.

No comments:

Post a Comment

Post Bottom Ad

Pages