දිනකට PCR පරීක්ෂණ 500ක් කළ හැකි නවතම වෛද්‍ය රසායනාගාරය කටුනායක විවෘත කරයි! - Lanka Sinhala gossip

Breaking

Home Top Ad

Post Top Ad

2020-07-09

දිනකට PCR පරීක්ෂණ 500ක් කළ හැකි නවතම වෛද්‍ය රසායනාගාරය කටුනායක විවෘත කරයි!

කටුනායක බණ්ඩාරනායක ජාත්‍යන්තර ගුවන් තොටුපළ වෙත පැමිණෙන ගුවන් මගීන්ට නොමිලේ PCR පරීක්ෂණ සිදු කර ගැනීමට සහ ඒවායේ ප්‍රතිඵල නිකුත් කිරීමට නවතම වෛද්‍ය රසායනාගාරයක් කටුනායක ගුවන් තොටුපළ පරිශ්‍රයේ විවෘත කොට එය සෞඛ්‍ය අමාත්‍යාංශය වෙත අද දින භාර දෙනු ලැබුවා.

මෙය අනුක ජීවී වෛද්‍ය රසායනාගාරය ලෙස නම් කර ඇති අතර එහි PCR පරීක්ෂණ යන්ත්‍ර 02 ක් ද න්‍යෂ්ටික අම්ල වෙන් කර ගැනීමේ ස්වයංක්‍රීය යන්ත්‍ර 02 ක් ද සහ ආරක්ෂිත කැබිනෙට්ටු 03 ක් ද මෙහි ස්ථාපිත කර ඇත. මෙහි දිනකට ගුවන් මගින් පැමිණෙන 500 දෙනෙකුගේ PCR පරීක්ෂණ පැවැත්වීමේ ධාරිතාවයක් පවතී.

මෙම වෛද්‍ය රසායනාගාරය රුපියල් මිලියන 70 ක් පමණ වටිනාකමක් ඇති අතර ශ්‍රී ලංකාවේ විවිධ රෝහල් සදහා පරිත්‍යාග ලෙස ලැබී තිබූ වෛද්‍ය රසායනාගාර උපකරණ සෞඛ්‍ය අමාත්‍යාංශය විසින් මෙහි ස්ථාපිත කර තිබේ.

මෙම වෛද්‍ය රසායනාගාරය සදහා සෞඛ්‍ය අමාත්‍යාංශය විසින් කිසිදු මුදලක් වැය නොකර ඇති අතර සීමාසහිත ගුවන් තොටුපළ සහ ගුවන් සේවා සමාගම රුපියල් මිලියන 16.5 ක් වැය කර මෙම ගොඩනැගිලි සංකීර්ණය සති දෙකහමාරක් වැනි කෙටි කාළයක් තුළ සාදා නිම කර දී තිබේ.

මෙම PCR පරීක්ෂණ බාහිර පෞද්ගලික රෝහල් වල රුපියල් 6000 ත් 8000 ත් අතර මිලකට සිදු කෙරෙන අතර ඒ සදහා ඔවුන්ට පැය 06 ක පමණ කාළයක් ද ගත වේ. එහෙත් කටුනායක ගුවන් තොටුපළ තුළ ස්ථාපිත මෙම නව වෛද්‍ය රසායනාගාරය මගින් පැය දෙකහමාරක් වැනි කාළයක් තුළ මෙම පරීක්ෂණය නොමිලේම සිදු කර ගත හැකි බවයි සීමාසහිත ගුවන් තොටුපළ සහ ගුවන් සේවා සමාගම සඳහන් කරන්නේ.



from රට තොට – Colombo Tribune https://ift.tt/3iN2bEz
tribune

No comments:

Post a Comment

Post Bottom Ad

Pages