බස්නාහිර පළාතේ පොදු ස්ථානවල මත්ද්‍රව්‍ය පානය කළ 547ක් අත්අඩංගුවට - Lanka Sinhala gossip

Breaking

Home Top Ad

Post Top Ad

2020-09-08

බස්නාහිර පළාතේ පොදු ස්ථානවල මත්ද්‍රව්‍ය පානය කළ 547ක් අත්අඩංගුවට

ඊයේ (07) පස්වරු 6.00 සිට රාත්‍රී 8.00 දක්වා පැය 02ක් තුළ ක්‍රියාත්මක කළ විශේෂ මෙහෙයුමකදී බස්නාහිර පළාතේ පොදු ස්ථානවල මත්ද්‍රව්‍ය පානය කළ 547 ක් දෙනෙක් පොලිසිය විසින් අත්අඩංගුවට ගෙන ඇත.    
 
සැකකරුවන් අතරින් වැඩිම පිරිසක් අත්අඩංගුවට ගෙන ඇත්තේ හොරොයින් පානය කරමින් සිටියදීයි. එම සංඛ්‍යාව 265 කි. ඔවුන් සන්තකයේ තිබී සොයාගත් හෙරොයින් ප්‍රමාණය ග්‍රෑම් 89 කට අධිකය.
 
සැකකරුවන් 136 ක් ගංජා භාවිත කරමින් සිටියදී අත්අඩංගුවට ගෙන ඇති අතර , ඔවුන් සතුව තිබී සොයගැනු ගංජා ප්‍රමාණය ග්‍රෑම් 349 කට ආසන්නවේ.
 
අයිස් භාවිත කරමින් සිටි සැකකරුවන් 27 ක් අත්අඩංගුවට ගෙන ඇති අතර ඔවුන් සතුව තිබි අයිස් ග්‍රෑම් 24 කට අධික ප්‍රමාණයක් හමුවු බව පොලිසිය පවසයි.
 
මීට අමතරව තවත් සැකකරුවන් 4 දෙනෙක් මාවා භාවිත කරමින් සිටියදී අත්අඩංගුවට ගෙන ඇත.
 
නීති විරෝධි මත්පැන් භාවිත කරමින් සිටි පුද්ගලයින් 107 ක්ද අත්අඩංගුවට ගෙන ඇති අතර නීති විරෝධි මත්පැන් බෝතල් 537 ක් ද පොලිස් භාරයට ගැනුනු බව ද බස්නාහිර පලාත් ජ්‍යෙෂ්ඨ නියෝජ්‍ය පොලිස්පති කාර්යාලය වැඩිදුරටත් සඳහන් කළේය.

No comments:

Post a Comment

Post Bottom Ad

Pages