හෝමියෝපති වෛද්‍ය සභාව නිළ වශයෙන් නැවත පත් කරයි - Lanka Sinhala gossip

Breaking

Home Top Ad

Post Top Ad

2020-09-10

හෝමියෝපති වෛද්‍ය සභාව නිළ වශයෙන් නැවත පත් කරයි

දේශීය වෙදකම ප්‍රවර්ධන ග්‍රාමීය හා ආයුර්වේද රෝහල් සංවර්ධන හා ප්‍රජා සෞඛ්‍ය රාජ්‍ය අමාත්‍ය සිසිර ජයකොඩි මහතා විසින් දේශීය වෛද්‍ය අමාත්‍යංශයේ දී ඊයේ (09) දින හෝමියෝපති වෛද්‍ය සභාව නිල වශයෙන් නැවත ප්‍රකාශයට පත් කළේය.
 
දේශීය වෛද්‍ය අමාත්‍යංශය අප රටේ පැවති ගැටලු රාශියක් නිරාකරණය කිරීමට මුලපිරූ බව සිසිර ජයකොඩි අමාත්‍යවරයා එහිදී සදහන් කළේය.
 
එමෙන්ම ඉන්දියානු රජයේ සහයෝගය ඇතිව හෝමියෝපති වෛද්‍ය උපාධිය හදාරණ ලද ශිෂ්‍ය ශිෂ්‍යාවන් රාශියක් පසුගිය කාල පරිච්ඡේදයේ වෛද්‍යවරු වශයෙන් ලියාපදිංචි නොවී තිබුණු අතර වසර දෙක තුනක කාලයක් තුළ ඔවුන් සියලු වෘත්තීය අධ්‍යාපනික සුදුසුකම් සියල්ල සපුරා සායනික පුහුණුව අවසන් කර තිබියදී ඔවුන් වෛද්‍යවරුන් වශයෙන් ලියාපදිංචි කිරීමේ අවස්ථාව අහිමි වී තිබුණු බව අමාත්‍යවරයා සිහිපත් කළේය.
 
එම නිසා ඒ සම්බන්ධයෙන් එම ශිෂ්‍යයන් සහ ඔවුන්ගේ දෙමාපියන් ජනාධිපතිතුමා සහ අගමැතිතුමා හට මේ පිළිබදව කරුණු ඉදිරිපත් කර තිබුණු බැවින් ඔවුන් වෛද්‍යවරුන් ලෙස ලියාපදිංචි කිරීමට අවශ්‍ය පළමු අත්‍යවශ්‍ය අංගය වන හෝමියෝපති වෛද්‍යසභාව පිහිටුවීම අද දින සිදුකළ බවද අමාත්‍යවරයා පැවසුවේය.
 
ඒ සමගම ඔවුන් වෛද්‍යවරුන් ලෙස ලියාපදිංචි කිරීමේ කටයුතු අරඹන බවත්, එම කර්තව්‍ය සදහා අද දින ඔවුන් සියලුදෙනා එකට එක්වූ බවත් අමාත්‍යවරයා වැඩිදුරටත් පැවසුවේය.
 
 

No comments:

Post a Comment

Post Bottom Ad

Pages