New Diamond නෞකාවේ වර්ධනය වූ ගින්න අළුයම් කාලයේ පාලනය කෙරේ - Lanka Sinhala gossip

Breaking

Home Top Ad

Post Top Ad

2020-09-09

New Diamond නෞකාවේ වර්ධනය වූ ගින්න අළුයම් කාලයේ පාලනය කෙරේ

අයහපත් කාලගුණය මත පසුගිය 07 වන දින නැවතත් වර්ධනය වූ MT New Diamond බොරතෙල් ප්‍රවාහන නෞකාවේ ගින්න සාර්ථක‍ ලෙස පාලනය කිරීමට අද (09) අළුයම් කාලය වන විට ආපදා කළමණාකරන කණ්ඩායම් සමත් වූ බව ශ්‍රී ලංකා නාවික හමුදාව පවසයි. 
 
එමෙන්ම මේ වන විට නෞකාවෙන් ගිනිදැල් නිකුත්වීමක් හෝ දුම් පිටවීමක් නිරීක්‍ෂණය නොවන අතර, ටග් යාත්‍රාවක් යොදා ගනිමින් ආපදාවට පත් නෞකාව නැවතත් ගැඹුරු මුහුද වෙත ඇදගෙන යාම සිදු කරමින් පවතී. ඒ අනුව ආපදාවට පත් නෞකාව මේ වන විට සංගමන්කන්දතුඩුවේ සිට නාවික සැතපුම්  37ක් වූ ගැඹුරු මුහුදට රැගෙන ගොස් ඇති අතර, එම මුහුදු ප්‍රදේශයේ පවතින ඉතාමත් රළු ස්වාභාවය සහ දැඩි සුළං ප්‍රවාහයද හමුවේ මෙම මෙහෙයුම් ක්‍රියාත්මක වේ.
 
නෞකාවට කිලෝ මීටරයක් පමණ දුරක් දක්වා වූ ප්‍රදේශයේ විහිදී තිබූ ඩීසල් ඉන්ධන පැල්ලමක් ඊයේ සවස් කාලයේ නිරීක්‍ෂණය කරන ලද අතර, ඒ සඳහා ඉන්දීය වෙරළාරක්‍ෂක දෙපාර්තමේන්තුවට අයත් ඩෝනියර් වර්ගයේ ගුවන්යානයක් යොදා ගනිමින් අදාල ඩීසල් ඉන්ධන පැල්ලම තිබූ ප්‍රදේශය වෙත විශේෂීත රසායන ද්‍රව්‍යක් ඉසීමට කටයුතු කර එමගින් සාගර පරිසරයට වියහැකිව තිබූ බලපෑම අවම කිරීමට කටුයුතු කරන ලදි. එමෙන්ම ජාතික ජලජ සම්පත් පර්යේෂණ සහ සංවර්ධන නියෝජිතායතනයට (NARA) අයත් සමුද්‍රීය පර්යේෂණ නෞකාවක් මේ වන විට එම මුහුදු ප්‍රදේශය වෙත ලඟාවී වැඩිදුර පරීක්‍ෂණ කටයුතු වල නිරතව සිටී.
 
මෙම මෙහෙයුම් ශ්‍රී ලංකා නාවික හමුදාව ඇතුළු අනෙකුත් පාර්ශවකරුවන්ට අයත් නෞකා, ටග් යාත්‍රා සහ ගුවන් යානා යොදා ගනිමින් ‍දිවයිනට පැමිණ සිටින විදේශීය මුදවා ගැනීමේ සහ ආපදා කළමණාකරණය කිරීමේ විශේෂඥ කණ්ඩායම්වලද සහභාගීත්වයෙන් තවදුරටත් සිදු කරනු ඇත. 
 
එමෙන්ම, New Diamond  නෞකාවේ පවතින ආපදා තත්වය සම්පූර්ණයෙන් පහව යන තෙක් ශ්‍රී ලංකා නාවික හමුදාව ඒ පිළිබඳ නිරන්තර අවධානයෙන් සිටිමින් අනෙකුත් ආපදා කළමණාකරන පාර්ශවයන් හා සම්බන්ධීකරණය වෙමින්  මෙම මෙහෙයුමේ අඛණ්ඩව නිරතව සිටී.

No comments:

Post a Comment

Post Bottom Ad

Pages