24 C
Colombo
Thursday, November 26, 2020

‘ස්පුට්නික් 5’ 95%ක් සාර්ථකයි

Author(s): මහින්ද අලුත්ගෙදරනව කොරෝනා වයිරසයට එරෙහිව නිෂ්පාදනය කළ ‘ස්පුට්නික් 5’ එන්නත සියයට 95ක්ම සාර්ථක වී ඇතැයි එම එන්නතේ සායනික අත්හදා බැලීම්වල දෙවැනි අන්තර්කාලීන විශ්ලේෂණ දත්ත...
More

    Latest Posts

    දුවගේ වැඩ නිසා SSP තාත්තා සාමාන්‍ය රාජකාරියට මාරු කරයි.

    පසුගිය දිනෙක රියැදුරු බලපත් නොමැතිව රිය පදවා කුරුදුවත්තේදී කෝටි 6කට ආසන්න අලාභයක් කළ බව කියන දියණියගේ පියා වන නුගේගොඩ කොට්ඨාසය භාර ජ්‍යෙෂ්ඨ පොලිස් අධිකාරිවරයාට...

    මින් පසු රජයේ ආයතවලින් වෙළද දැන්වීම් නෑ.

    රජයෙන් සියලුම මාධ්‍ය ආයතන වෙත ලබා දී තිබූ වෙළෙද දැන්වීම් වහාම අත්හිටුවන ලෙස ජනාධිපති ගෝඨාභය රාජපක්ෂ  නියෝග කොට ඇත. ඒ අනුව ආණ්ඩුවේ ආයතන, සංස්ථා,...

    අම්බලන්ගොඩ අම්මටයි,තාත්තටයි කොරෝනා…ළමයි පාසල් ගිහින්.

    පාසැල් යළි විවෘත කිරීමෙන් අනතුරුව අධ්‍යාපන කටයුතු සඳහා (23) දිනයේදී පාසැල් පැමිණි එකම පවුලේ ළමුන් දෙදෙනෙකුගේ දෙමාපියන් හට කොවිඩ්  වෛරසය ආසාදනය වී ඇති බවට...

    බදු වංචාව ගැන ජනපති නියමයෙන් පරික්ෂණයක්… වයඹ අරක්කු පටන් ගන්න අලිරාජාත් මිලියන 150ක් දිලා.

    බදු වංචාවක් පිළිබදව සමාජ මාධ්‍ය එස්සේ මෙසේ සටහන් වී තිබිණි…………………………………………………………………….. අමාත්‍ය ජොන්ස්ටන් ප්‍රනාන්දුට අයත් වයඹ ඩිස්ටලරීස් සමාගම බදු වංචා කරමින් නියමිත ක්‍රියා පටිපාටියට පිටින් යමින්...

    තරුණ නාය­ක­ත්ව­යට ඉඩ දෙන්න ඕන නිසා සජිත්ට එරෙ­හිව එදා විනය තීර­ණ­යක් ගත්තේ නෑ

    1 අගෝස්තු, 2020

    අතී­ත­යේදී බණ්ඩා­ර­නා­ය­කලා එජා­ප­යෙන් ඉව­ත්වෙලා ශ්‍රීල­නි­පය හදා ගත්තා. මෙදා ඔබ ශ්‍රීල­නි­පය සමඟ ආණ්ඩු­වක් හදල එජා­පය විනාශ කර ගත්තා කියල චෝදනා එල්ල වෙනවා?

    ඒ වෙලාවෙ ආණ්ඩුව හැදුවේ ජනා­ධි­ප­ති­ව­ර­යයි. අපි ශ්‍රීල­නි­පය අපේ පක්ෂය ඇතු­ලට දා ගත්තේ නැ.යූඑන්පී විරෝධී කණ්ඩා­ය­මක් එක්ක යූඑන්පී එකට ආණ්ඩු­වක් කරන්න සිද්ධ වුණා.

    එජා­පය එදා ජනා­ධි­ප­ති­ව­ර­ණයේ දී තමන් ගේ අපේ­ක්ෂ­ක­යෙක් ඉදි­රි­පත් නොකර පොදු අපේ­ක්ෂ­ක­යෙක් විදි­යට ශ්‍රීල­නි­පයේ මෛත්‍රී­පාල සිරි­සේන ඉදි­රි­පත් කිරීම නිසා නොවෙ­යිද මේ තත්ත්වය ඇති වුණේ.?

    එදා ප්‍රජා­ත­න්ත්‍ර­වාදී තර්ජ­න­යක් තිබුණා. තෙවන වතා­ව­ටත් ජනා­ධි­පති වෙන්න මහි­න්දලා එදා උත්සාහ කළා. එදා එජා­ප­යට ජනා­ධි­ප­ති­ව­ර­ණය ජය­ග්‍ර­හ­ණය කරන්න තිබුණා. නමුත් අපිට විරුද්ධ බල­වේග මැඬ පව­ත්වන්න තමයි අපි අලුත් ක්‍රම­යක් අනු­ග­ම­නය කරන්න තීර­ණය කළේ. ඒ අතරේ සෝභිත ස්වාමී­න්ව­හන්සේ ඇතුළු සිවිල් සංවි­ධාන බොහෝ­ම­යක් අපිට බල­පෑම් කළා; එජාප නොවන එජාප ලකු­ණින් තොරව පොදු අපේ­ක්ෂ­ක­යෙක් ඉදි­රි­පත් කරන්න කියල. ඒ අනුව අපි චන්ද්‍රිකා කුමා­ර­ණ­තුංගගෙන් ඇහුවා නැවත ජනා­ධි­ප­ති­ව­ර­ණ­යට එන­වද කියල. ඇය බැහැ කිව්වා. ඒ වෙන කොටත් මෛත්‍රී­පාල ජනා­ධි­ප­ති­ව­ර­ණ­යට උන­න්දු­වක් දක්ව­නවා කියල අපි දැන ගෙන හිටියා. ඒ වසරේ සැප්තැ­ම්බර් මාසයේ ඉද­ලම ඔහු ඒ වෙනු­වෙන් යම් යම් ක්‍රියා­මාර්ග අරන් තිබුණා.

    ඒ කියන්නේ ඔබ­ලාට ඕනෑ වුණේ එජා­පය දින­ව­න­වාට වඩා රාජ­ප­ක්ෂලා පරා­ජය කර­න්නයි?

    ඒ වෙන කොට මහින්ද සමඟ හිටපු පිරි­ස­කුත් ඔහු තෙවන වතා­ව­ටත් ජනා­ධි­පති වෙන­වාට කැම­ත්තක් තිබුණේ නෑ. ඒ අයත් අපිත් එක්ක පොදු අපේ­ක්ෂ­ක­යෙක් ඉදි­රි­පත් කරන්න එක­ඟතා ඇති කර ගෙන තිබුණා. ඒ අනුව තමයි අව­සා­නයේ අපි හැමෝම ජනා­ධි­ප­ති­ව­ර­ණ­යේදී මෛත්‍රී­පාල පොදු අපේ­ක්ෂ­කයා විදි­යට තෝරා ගත්තේ. එදා සෝභිත ස්වාමී­න්ව­හ­න්සේලා මෛත්‍රී­පාල සිරි­සේ­නට කීවේ දේශ­පා­ලන පක්ෂ­යක නාය­ක­යකු නොවී රටේ නාය­කයා විදි­යට පොදුවේ හැම දෙනා සම­ඟම කට­යුතු කරන්න කිය­ලයි. නමුත් පස්සේ ඒ හැම දෙයක්ම වෙනස් වුණා.

    හොඳයි ඔබලා එදා පිහි­ටවා ගත් ආණ්ඩු­ව­ටත් තුනෙන් දෙකේ බල­යක් තිබුණේ නෑ. නමුත් ඔබලා සූක්ෂ්ම විදි­යට තුනෙන් දෙකේ බල­යෙන් ආණ්ඩු­ක්‍රම ව්‍යව­ස්ථාවේ 19 වන සංශෝ­ධ­නය සම්මත කර ගත්තා. ඒ විදි­යට ආණ්ඩුව කර ගෙන යන්න හැමෝ­ගෙම සහය නොලැ­බුණේ ඇයි?

    ඒකට මුල්ම හේතුව ශ්‍රීල­නි­පයේ ඇතුළේ තිබුණ අර්බු­ද­යයි. මෛත්‍රී­පාල සිරි­සේන ජනා­ධි­පති ශ්‍රීල­නි­පයේ නාය­කයා වෙන­වාට ශ්‍රීල­නි­පය ඇතු­ළේම බොහෝ දෙනෙකු කැමති වුණේ නෑ. ඒ වගේම එජා­පය සමඟ ආණ්ඩු­වක් හදා ගත්තු එක­ටත් ශ්‍රීල­නි­පය ඇතු⁣ළෙන් මෛත්‍රී­පා­ලට විරෝ­ධය එල්ල වුණා. මේ නිසා මුල ඉඳ­ලම ඒ අය දෙකට බෙදුණා. මෛත්‍රී­පාල ශ්‍රීල­නි­පයේ නාය­ක­ත්වය බාර නොගත්තා නම් මේ තත්ත්වය මීට වඩා වෙනස් වෙන්න තිබුණා.

    රනිල් වික්‍ර­ම­සිං­හට “ක්ලීන් මෑන්” කියල නමක් පට­බැ­ඳුණා. ඒ චරි­ත­යට මොකද වුණේ? නැති වෙලාද නැති කර ගෙනද?

    ඒ මොකුත් වෙලා නෑ. මට විරු­ද්ධව චෝදනා නෑ. මම නිත­රම කියන්නේ අපේ හැකි­යාව අනුව වැඩ කරන්න කිය­ලයි. අපි හැම ක්ෂේත්‍ර­යේම වැඩ කරන්න පුළු­වන් බව පෙන්වලා තියෙ­නවා. අනා­ග­තයේ ජන­තාව බලය දුන්නොත් නැවත අපි විනි­වි­ද­භා­ව­යෙන් යුතුව අවං­කව වැඩ කරල පෙන්ව­නවා. ඒ කාලෙත් මම හැම අමා­ත්‍යාං­ශ­ය­ක­ටම මුදල් ලබා දුන්නා වැඩ කරන්න. සම­හර අමා­ත්‍යාං­ශ­ව­ලට වැඩ කර ගන්න බැරි වුණා.

    ඔබ කිය­නවා ඔබට චෝදනා නෑ කියල. අනෙක්වා පැත්ත­කින් තියල ඔබේම පක්ෂයේ හිටපු අය කියන එජාප නාය­ක­ත්වය බලෙන් අල්ලා ගෙන ඉන්නවා කියන චෝද­නා­වත් බොරු­වක්ද?

    මම එජා­පයේ නාය­ක­ත්වය බලෙන් තියා­ගෙන නෑ. පසු­ගිය එජාප සමු­ළු­වේදී මම එජාප නාය­කයා විදි­යට පිළි­ගෙන තිබෙ­නවා. ඒ වෙලාවෙ ඒකට සජි­ත්ලත් එකඟ වුණා. මේ මැති­ව­ර­ණ­යෙන් පස්සේ අලුත් මන්ත්‍රී­වරු පත් වුණාම එජාප නාය­ක­ත්වය ගැන නැවත කතා කරන්න තීන්දු වුණා. එහෙම එක­ඟ­තා­වක් තිබි­යදී මැති­ව­ර­ණය කරන්න ඒ අය පක්ෂ නාය­ක­ත්වය ඉල්ල­නවා. අපි ජනා­ධි­ප­ති­ව­ර­ණයේ අපේ අපේ­ක්ෂ­කයා ලෙස සජිත් පත් කළා. එහෙ­මත් කරලා මැති­ව­ර­ණ­යෙන් පස්සේ මේ ගැන කතා කරන්න තීන්දු­වක් අර ගෙන තිබි­යදී ඒ අය අපෙන් වෙන්වෙලා එජා­පයේ අයි­තිය දිනා ගන්න උසාවි ගියා. එජාප සාමා­ජි­ක­ත්වය අහෝසි කරන්න එපා කියල ඒ අය උසාවි ගියත් ඒකට උසා­විය තීන්දු­වක් දුන්නෙ නෑ.

    සජිත් ප්‍රේම­දාස මීට පෙරත් එජා­ප­යට විරැද්ධව කට­යුතු කර තිබෙන බවට චෝදනා එල්ල වුණා.ඒ කාලේ ඔහුට විරු­ද්ධව විනය පිය­වර නොගත් නිසා අද මේ තත්ත්වය ඇති වුණා නොවෙ­යිද?

    තරුණ දේශ­පා­ල­න­ඥ­යන් පක්ෂය තුළ ටිකක් දඩ­බ්රව හැසි­රුණා කියල ඒ හැම වෙලා­ව­කම ඔවුන්ට එරෙ­හිව විනය ක්‍රියා­මාර්ග ගන්න ගියොත් ඒ අය ගේ දේශ­පා­ලන අනා­ග­තය විනාශ වෙන්න පුළු­වන්. සජිත් ගැනත් අපි කල්පනා කළේ එහෙ­මයි. සජිත් ගේ පියා එක්ක මම හොඳට වැඩ කරල තිබෙ­නවා. ඒ නිසා සජිත් මෙරටේ නාය­ක­ත්ව­යට පත් වෙන එක වළ­ක්වන්න මට ඕන වුණේ නෑ. අපි ඒ සඳහා ඔහුට අව­ස්ථාව දුන්නා. එකෙන් එයා ප්‍රයෝ­ජන ගත්තෙ නෑ.ඒකට මට කරන්න දෙයක් නෑ.

    ඔබ කියන්නේ සජිත් ප්‍රේම­දාස ආරක්ෂා කළේ ඔහු පක්ෂයේ නාය­ක­ත්ව­යට ගෙන එන්න ඕනෑ නිසා කිය­ලද?

    මම කියන්නේ කවුරු වුණත් දේශ­පා­ලන රැස්වී­ම්ව­ලදී කියන දේවල් බර­ප­තළ විදි­යට සලකා විනය ක්‍රියා­මාර්ග ගත්තොත් ඒ අය ගේ දේශ­පා­ලන අනා­ග­තය විනාශ වෙන්න පුළු­වන් කිය­ලයි. සජිත් සම­හර අව­ස්ථා­වල කරපු ප්‍රකාශ නිසා අපේ පක්ෂ­යට සම­හර මැති­ව­ර­ණ­ව­ලදී අවාසි වුණා. එහෙම වුණත් මම බැලුවෙ මේ අය ඉදි­රි­යට ගෙනල්ලා නිය­මිත කාල­යේදී නිය­මා­කා­ර­යෙන් ඔවුන්ට හිමි තැන් ලබා දෙන්නයි.

    ඔබ කියන්නේ සජිත් ප්‍රේම­දාස ඔහු විසින්ම ඔහුගේ දේශ­පා­ලන අනා­ග­තය විනාශ කර ගත්තා කිය­ලද?

    ගිය­වර ජනා­ධි­ප­ති­ව­ර­ණයේ එජාප අපේ­ක්ෂ­ක­ත්ව­යත් ඔහුට දුන්නා. මෙවර මහ මැති­ව­ර­ණයේ අග­මැති අපේ­ක්ෂ­ක­ත්ව­යත් ඔහුට දෙන්න එක­ඟ­තා­වක් තිබුණා. අපි උත්සාහ කළේ එජා­ප­යට බහු­ත­ර­යක් ඇති සන්ධා­න­යක් හදා ගන්නයි. ඒ අතරේ තමයි මේ අය වෙනම පක්ෂ­යක් පිහි­ටුවා ගත්තේ. එහෙම කරපු අය ගැන දැන් අනෙක් දේවල් කතා කරල වැඩක් නෑ. ඒ අය කළ දේ හරිද වැර­දිද කියල උසා­වි­යේ­දීත් පෙනු­ණානේ. ආයේ මොන­වද ඒ ගැන කතා කරන්නෙ.

    ඔබට ආණ්ඩු හදල දුන්නත් ඒවා කර ගෙන යන්න බෑ කියල ඔබේ පක්ෂ­යේම ප්‍රබ­ල­යකු වු ලක්ෂ්මන් කිරි­ඇල්ල කරන චෝද­නා­වට ඔබ මොන­වද කියන්නේ?

    අපිට එජා­පය විදි­යට ආණ්ඩු­වක් හදන්න අව­ස්ථාව ලැබුණේ දෙව­තා­වයි. ඔය කියන කිරි­ඇ­ල්ලත් වෙන තැනක ඉදලා තමයි එජා­ප­යට ආවේ. 2002 එව­කට ජනා­ධි­ප­ති­නි­යට බලය තිබුණා ඇම­ති­කම් පවරා ගන්නයි ආණ්ඩුව විසු­රුවා හරි­න්නයි. 2015 දි අපි ඒ ජනා­ධි­පති බලය ඉවත් කළා. ඊට පස්සේ සජිත් ප්‍රේම­දාස ජනා­ධි­ප­ති­ව­ර­ණයේ දී පරා­ජය වුණාට පස්සේ අපේ කණ්ඩා­යම තීන්දු­වක් ගත්තා ආණ්ඩු­වෙන් ඉවත් වෙන්න. අපි හැමෝම එකට එක­තු­වෙලා තීරණ අර­ගෙන ඒවා ක්‍රියා­ත්මක කරල ඒකෙන් ඇති වෙන ප්‍රති­ඵ­ල­යට මට චෝදනා කරල වැඩක් නෑ. මම හැම­දාම එජා­පය ආරක්ෂා කළා. අපිට බල­යක් ලැබු­ණොත් මම ඒක කාට­වත් දෙන්න කට­යුතු කරල නෑ. මම පුදුම වෙන්නේ එජා­ප­යට පිටින් ආපු අය මෙවැනි චෝදනා කරන එක ගැනයි.

    එජාප ප්‍රති­ප­ත්ති­වල ඔබේ කාලයේ යම් වෙන­සක් සිද්ධ වුණාද?

    කාලී­නව වෙනස් විය යුතු කරුණු අපි වෙනස් කරල තියෙ­නවා. ඒ වෙනස් වූ කරුණු ගැන අපි ජන­තාව දැනු­වත් කරල තියෙ­නවා. මෙවර මහ මැති­ව­ර­ණ­ය­ටත් අපේ එජා­පය පම­ණයි ප්‍රති­ප­ත්ති­යක් විදි­යට වැඩ­පි­ළි­වෙළක් ඉදි­රි­පත් කරල තියෙන්නේ. රටේ ලොකයේ වෙනස් වීම් එක්ක ඊට ගැළ­පෙන විදි­යට අපිත් වෙනස් වෙන්න ඕනෑ. එහෙම නැතුව ඉදි­රි­යට යන්න බෑ.

    ඔබ එජා­පය නියෝ­ලි­බ­ර­ලි­ස­ම්ව­ද­යට තල්ලු කරන්න හද­න­වාද?

    අපේ පක්ෂය ඔය එක එක තැනට තල්ලු කරන්න අපිට වුව­මනා නෑ. අපේ පක්ෂය (social democracy)සමාජ ප්‍රජා­ත­න්ත්‍ර­වාදී පක්ෂ­යක්. වෙළඳ ආර්ථි­කය සමඟ සමාජ සාධා­ර­ණ­ත්වය වෙනු­වෙන් අපි කට­යුතු කර­නවා. ඒක තමයි යුරෝ­පයේ රට­වල ක්‍රියා­ත්මක වෙන්නේ. ජර්ම­නියේ ප්‍රධාන පක්ෂ දෙකම අනු­ග­ම­නය කරන්නේ මෙි ක්‍රම­යයි.

    ඔබට එල්ල වෙන ප්‍රධාන චෝදනා අත­රින් මහ බැංකුවෙ මුදල් මංකො­ල්ලය බර­ප­ත­ළයි. මුදල් අමා­ත්‍යාං­ශය යටතේ තිබුණු මහ බැංකුව එදා ඔබ අග­මැ­ති­ව­රයා විදි­යට ඔබේ විෂ­ය­යක් කර ගත්තේ ඇයි?

    මහ බැංකුව ස්වාධීන කරල ශක්ති­මත් කරන්න ඕනෑ වුණා. ඒ සඳහා ඒක අග­මැති ගේ විෂය පථ­යට ඇතු­ළත් කරල මහ බැංකුව ස්වාධීන කරන්න කෙටුම් පත­කුත් සකස් කළා. ඇම­රි­කා­වෙන් ඇවිල්ලා එකට උප­දෙස් දුන්නා. IMF එක එක්ක එක­තු­වෙලා තමයි මහ බැංකුව ස්වාධීන ආය­ත­න­යක් කරන්න කෙටු­ම්පත් හැඳුවේ. ඒක අපි ඔක්කොම අනු­මත කළා. මුදල් අමා­ත්‍යාං­ශ­යට ඕනෑ ඕනෑ විදි­යට මහ බැංකුව ණය ගන්න එක වළක්වා ගන්න තමයි ඒක අග­මැති යට­තට පත් කළේ. ජාතික ප්‍රති­පත්ති ක්‍රියා­ත්මක කිරිමෙි ස්වාධී­න­ත්වය මහ බැංකු­වට තියෙන්න ඕන. මම ඒක ඇති කරන්න උත්සාහ කළා. මුදල් අමා­ත්‍යාං­ශය ණය ගන්න මහ බැංකු­වට බල­පෑම් කළා. ඒ අයට ඒක කරන්න බෑ කියල මට කීවා. ඒ නිසා තමයි මහ බැංකුව ස්වාධීන ආය­ත­න­යක් කරන්න මම පිය­වර ගත්තේ.

    ඔබේ අමාත්‍ය මණ්ඩ­ල­යේම සම­හරු විරුද්ධ වෙද්දී ඇයි ඔබ අර්ජුන් මහේන්ද්‍ර මහ බැංකුවේ අධි­පති ලෙස පත් කළේ?

    කැබි­නට් එකේ කවුරුත් විරුද්ධ වුණේ නෑ. මට කියන්ක කවුද විරුද්ධ වුණේ කියලා.

    රාජිත සේනා­රත්න අමා­ත්‍ය­ව­රයා ප්‍රසි­ද්ධි­යේම කීව එදා ඔය පත්කි­රී­මට ඔහු විරුද්ධ වුණා කියල ඒක බොරු­වක්ද?

    නෑ නෑ එදා කවු­රුත් විරුද්ධ වුණේ නෑ. දැන් ඒ අය තැන් තැන්ව­ලට පැනලා කිය­නවා එදා විරුද්ධ වුණා කියල. ජනා­ධි­පති කොමි­සම පවා පිළි­ගත්තා අර්ජුන් මහේන්ද්‍රන් මේ තන­තු­රට සුදු­සුයි කියල. ඇත්ත­ටම මෙතැන ප්‍රශ්නය තියෙන්නේ එදා පළමු බැදු­ම්කර වෙන්දේ­සිය අර්ජුන් ගේ බෑනට දැනුම් දුන්නද කිය­ලයි ප්‍රශ්න­යක් මතු වු‍ණේ. ඕකට ඉස්සෙල්ලා අජිත් නිවාඩි කබ්රාල් ගේ සහෝ­ද­රි­යත් ඒ සමා­ගමේ අධ්‍ය­ක්ෂ­ව­රි­යක් ලෙස කට­යුතු කරල තියෙ­නවා. මට විරුද්ධ වුණ කතා කියන්නේ දැන් අපෙන් අයින් වෙලා ගිහිල්ලා. මටත් ඒ ගොල්ලා ගැනත් හුඟක් කතා කියන්න පුළු­වන්. ඒවා කියල ඡන්දය අර ගෙන වැඩක් නෑ. අද අපි මැති­ව­ර­ණ­ය­කට මුහුණ දීල ඉන්නේ ජනතා ප්‍රශ්න විස­ඳන්න පුළු­වන් ආණ්ඩු­වක් හදා ගන්නයි. මාධ්‍ය­යෙ­නුත් නිතර නිතර මේවා මතු කරන්නෙ ආණ්ඩුව මේ ගැන නිසි පිළි­තු­රක් නොදෙන නිසයි.

    ඔබගේ ආණ්ඩු­වක් යටතේ අපේ රට අනා­ගා­මික රාජ්‍ය­යක් කරන්න පිඹු­රු­පත් සකස් කරල තියෙ­න­වාද?

    මොකක්ද ඔය අනා­ගා­මික රාජ්‍ය­යක් කියන්නේ. අපි එහෙම දෙයක් කොහෙ­වත් සඳ­හන් කර­ල­වත් කිය­ල­වත් නෑ. අපි හැම­දාම බුද්ධා­ගම ප්‍රමු­ඛ­ස්ථා­නයේ තියල ඒක පිළි­ග­න්නවා. ඒ හැරෙන්න වෙන ක්‍රම­යක් ගැන අපි කතා කරල නෑ. මෙරටේ දේශ­පා­ලන පක්ෂ හැම එක­කම පිළි­ගැ­නීම ඒකයි. දෙමළ සන්ධා­නය පවා ඒ ක්‍රමය පිළි­ග­න්නවා. අපේ රටේ ඕනෑ කෙන­කුට ඕනෑ ආග­මක් අද­හන්න නිද­හස තියෙ­නවා. ඒ හැමෝම බුද්ධා­ගම ප්‍රමු­ඛ­ත්වහෙි තිබෙ­නවා කියල පිළිගන්න ඕන. කතෝ­ලික කාදි­න­ල්තු­මත් ඒක ප්‍රසි­ද්ධියේ කියල පිළ­ිගෙන තිබෙ­නවා. අපි කොහො­මද ඒවා වෙනස් කරන්නෙ. ථෙර­වාද බෞද්ධ සම්ප්‍ර­දාය ආරක්ෂා කරන මධ්‍ය­ස්ථා­නය අපේ ලංකා­වයි. ඇයි අපි ඒක නැති කරන්නෙ.

    මේ මහ මැති­ව­ර­ණ­යට එජා­ප­යෙන් වැඩි­පුර ඉදි­රි­පත් කරලා තිබෙන්නෙ අලුත් මුහුණු. ඔබ හිත­න­වද ඔවුන් සමඟ පක්ෂ­යට ජය ගන්න පුළු­වන් වෙයි කියල?

    අපේ රටේ තරු­ණ­යන්ට ඕන වුණේ අලුත් මුහුණු. සම­හර අලුත් මුහුණු දාන­වාට කැමති වුණේ නෑ. නමුත් සමා­ජය ඉල්ලුවේ අලුත් මුහුණු නිසා අපි තීර­ණය කළා මෙවර මැති­ව­ර­ණ­යට වැඩි­පුර අලුත් මුහුණු ඉදි­රි­පත් කරන්න. අපි විත­රයි මේ මැති­ව­ර­ණයේ දී තරු­ණ­යන්ට වැඩි අව­ස්ථා­වක් දීල තියෙන්නෙ. පොහො­ට්ටු­ව­වත් එහෙම කරල නෑ. ජන­තාව තීර­ණය කරාවි ඒ අය­ගෙන් පාර්ලි­මේ­න්තු­වට එවන්න ඕනේ කවුද කියල.

    පසු­ගිය මැති­ව­රණ වල ප්‍රති­ඵල නීරි­ක්ෂ­ණය කළාම පෙනෙන දෙයක් තමයි එජා­පට බලය තිබුණු ප්‍රදේ­ශ­වල ඒ බලය දියාරු වෙලා කියන එක. ඒ අනුව ගත්තත් එජා­පය තුළ ප්‍රති­සං­වි­ධා­න­යක් අව­ශ්‍ය­යයි කියල හිතෙන්නෙ නැද්ද?

    එජා­පයේ ප්‍රති­සං­වි­ධා­න­යක් අව­ශ්‍ය­යයි. අපිට සම­හරු ප්‍රදේ­ශ­වල බලය ගිලි­හුනේ එජා­පයේ වර­දින් නොවෙයි. එජා­ප­යට ඇවිල්ලා සමහර අය කරපු කියපු දේවල් නිසා තමයි අපිට මේ තත්ත්වය ඇති වුණේ. අපි එජා­පය රැක ගන්න කැප වුණා මදි කියල හිත­න්නත් පුළු­වන්. එජා­යයේ හුඟක් අය ඡන්දය දීමෙන් වැළකී සිටි බව­ටත් තොර­තුරු තියෙ­නවා. අපි එජා­පයේ අපේ­ක්ෂ­ක­යෙක් 2015 ජනා­ධි­ප­ති­ව­ර­ණ­යට ඉදි­රි­පත් කරල අනෙක් හැමෝම එයාට සහය දුන්නා නම් මේ තත්ත්වය ඇති වෙන්නෙ නෑ. එජා­පයේ අන­න්‍ය­තාව නැති වුණා කියල අපේ පාක්ෂි­ක­යන්ට හැඟි­මක් ආව නිසා තමයි ඒ බොහෝ අය ඡන්දය දාන්න ගියේ නැත්තේ. මේවාට හේතුවූ කාරණා මම කියන්න වුව­මනා නෑ.

    උතුරේ ජන­තා­වගේ ප්‍රශ්න­යට ඔබලා විස­දුම් දෙන්න උත්සහ කළත් දෙමළ නාය­ක­යන්ට උතුරේ ප්‍රශ්නය විසඳා ගන්න වුව­ම­නා­වක් තිබෙන බව ඔබ හිත­න­වාද?

    ඒ අය­ටත් උතුරේ ජන­තාව මුහුණ දෙන ගැටලු වලට විස­ඳුම් හොයන්න වුව­ම­නාව තිබෙ­නවා. අපි ඔක්කොම එක­ඟ­වෙලා තිබෙ­නවා ඒකීය රාජ්‍ය­යක් තුළ පම­ණයි මේ විස­ඳුම් හොයන්න පුළු­වන් කියල. පොලිස් බල­තල හා ඉඩම් බල­තල පළාත් සභා­ව­ලට දෙන්න ඕනද; දෙන­වද කියන ප්‍රශ්න­යක් තියෙ­නවා. මේ පිළි­බඳ කරුණු හොයන්න පත්කරපු පාර්ලි­මේන්තු තේරිම් කාරක සභා­වෙිදී දකුණේ පළා­ත්වල අපේ මහ ඇම­ති­ව­රුත් මේ බල­තල ඉල්ලුවා. පළාත් සභා­වල ඉන්න අයට වැඩි බල­තල වුව­මනා බව අපිත් පිළි­ග­න්නවා. අපි කියන්නේ පොලිස්, ඉඩම්, බල­තල මධ්‍ය රජ­යට තියා ගෙන සෞඛ්‍ය අධ්‍යා­පන වැනි අංශ ගණ­නා­වක බල­තල පළාත් සභා­ව­ලට දෙන්න අපිට සාකච්ඡා කරන්න පුළු­වන්.

    මට ඔබ කෙළින් උත්ත­ර­යක් දෙන්න උතුරු නැගෙ­න­හිර ඔය තියෙ­නවා යැයි කියන ප්‍රශ්න­ව­ලට ඔබේ පක්ෂයේ විස­ඳුම මොකක්ද?

    අපේ පක්ෂයේ ස්ථාව­රය තමයි 13 වන සංශෝ­ධ­නයේ ඉතිරි කොට­සත් ක්‍රියා­ත්මක කරල ප්‍රශ්න­ව­ලට උත්තර හොයා ගන්න එක. අපි දැන් විස­ඳුම ළඟට ඇවිල්ලා තියෙන්නෙ. නමුත් අද රට මුහුණ දී තිබෙන අභි­යෝ­ගය තමයි කොරෝනා වසං­ග­තය හා ආර්ථි­කය පහළ වැටීමෙි අර්බු­දය. මේ ප්‍රශ්න­ව­ලින් අපි ගොඩ එන්න ඕන. එහෙම නොවු­ණොත් එක දෙය­ක්වත් කරන්න බෑ. උතුරු නැගෙ­න­හිර ඔය කියන තරම් ලොකු ප්‍රශ්න­යක් නෑ අපි දැන් ඒවා ගැන කතා කරල තියෙ­නවා. අපි හරි­යට ක්‍රියා කළොත් ඒ ප්‍රශ්න විසදා ගන්න පුළු­වන්.

    අත්දැ­කීම් බහුල දේශ­පා­ල­න­ඥ­යෙක් විදි­යට මහින්ද රාජ­පක්ෂ හා ගෝඨා­භය රාජ­පක්ෂ ජනා­ධි­ප­ති­ව­රුන් ගේ වෙන­සක් ඔබ දකි­න­වාද?

    මහින්ද රාජ­පක්ෂ කියන්නේ දේශ­පා­ල­ඥ­යෙක්. එයා දිග­ටම දේශ­පා­ල­නයේ ඉන්න කෙනෙක්. ඒක දාල යන්නේ නෑ. ගෝඨා­භය රාජ­පක්ෂ දේශ­පා­ල­න­ඥ­යෙක් විදි­යට නොවෙයි ඔය තන­තු­රට පත් වුණේ. ජන­තා­වට සාම්ප්‍ර­දා­යික දේශ­පා­ල­නය එපා වී තිබෙන්නේ. එහි වාසිය ගෝඨා­භය රාජ­ප­ක්ෂට හිමි වුණා. දේශ­පා­ලන අත්දැ­කීම් නැති කෙනෙකු හැටි­යට සම­බ­රව රට පාල­නය කිරීම තමයි ගැට­ලු­වක් වී තිබෙන්නේ. මේ නිසා ගෝඨා­භය මේ වෙන කොට අසා­ර්ථක වී සිටි­නවා.

    පාස්කු ප්‍රහා­රය ගැන ඊට පෙර ඔබ­තු­මාට තොර­තුරු වාර්තා වුණේ නෑ කියන්නේ ඇත්තද?

    ඔව් මට ඒ ගැන කිසිම පූර්ව තොර­තු­රක් ලැබුණේ නෑ.

    ඔබ වග­කී­මෙන්ද මේ කතා කරන්නේ? ඔබ එව­කට අග­මැති නේද?

    මම කියන්නේ මේ සිද්ධි­යට ආණ්ඩු­වක් විදි­යට වග කියන්න ඕන. නමුත් මම කියන්නේ මට තොර­තුරු ලැබුණේ නෑ කිය­ලයි. ඒ නිසා තමයි අපි මේ ගැන පරි­ක්ෂණ පව­ත්වන්න කියන්නෙ. මට­වත් ආර­ක්ෂක නියෝජ්‍ය ඇම­ති­ට­වත් තොර­තුරු ලැබිල තිබුණේ නෑ. ඒ වෙලාවෙ ජනා­ධි­පති මෛත්‍රී­පාල සිරි­සේන හිටියේ රට. එතැන තමයි ගැට­ලුව තිබෙන්නේ.

    මේක ඔබගේ බර­ප­තළ ප්‍රකා­ශ­යක්. ඔබ එවක අග­මැති විදි­යට ඔබට තොර­තුරු ලැබුණේ නෑ කියන කාර­ණය විශ්වාස කරන්න පුළු­වන් ද?

    ඒක තමයි මමත් කියන්නේ මේක බර­ප­ත­ළයි. ඒකයි මම කියන්නේ පරි­ක්ෂණ කරන්න කියල.

    ඔබේ විදේ­ශීය ප්‍රති­ප­ත්තිය කොහො­මද ?

    අපේ විදේශ ප්‍රති­ප­ත්තිය හැම රාජ්‍ය­යක් එක්කම මිත්‍ර­ත්ව­යෙන් වැඩ කිරී­මයි.

    ඔබට ඇම­රි­කන් ගැති ප්‍රති­ප­ත්ති­යක් තියෙ­න­වාද?

    අපිට ඇම­රි­කාව සමඟ හැම­දාම මිත්‍ර­ක­මක් තිබුණා. චීනය සම­ඟත් එහෙ­මයි. එක වෙලා­වක ඇම­රි­කාව අපි සමඟ අම­නාප වුණා; චිනය එක්ක ගිවි­සුමි අත්සන් කළා කියල. අපි කියු­බාව සම­ඟත් එකට වැඩ කළා.

    මේ මැති­ව­ර­ණයේ දී ඔබ­ලාට ජය ගන්න බැරි වුණොත් පොහො­ට්ටු­වට සම්බන්ධ වෙන්න කති­කා­වක් තිබෙ­න­වාද?

    නෑ, එහෙම කිසිම දෙයක් නෑ. අපි කියන්නේ ආණ්ඩු­වක් හදන්න අපිට බලය දෙන්න කිය­ලයි.

    මෙතෙක් මේ රටේ බිහි වූ නාය­ක­යන් ගෙන් ඔබ වඩාත් ප්‍රිය කරන නාය­කයා කවුද?

    ම⁣ම වඩාත් ප්‍රිය කරන්නේ අපේ පක්ෂයේ සිටි ඩී.එස්.සේනා­නා­යක හා ජේ.ආර්.ජය­ව­ර්ධන යන නාය­ක­ය­න්ටයි.

    ඔබෙි පර­මා­දර්ශී නාය­කයා කවුද?

    ලෝකයේ බොහෝ නාය­කයෝ ඉන්නවා. නමුත් අපිට සේවය කළ අයට අපි ගරු කර­නවා. එක අයෙක් ගැන එහෙම කියන්න බෑ.

    Latest Posts

    දරු සෙනෙහසේ අරුමය!

    පූජාවලියෙහි රස මුසු තැන් කෙරෙහි පසුගිය ලිපි දෙකෙන් අප කළ අනාවරණ, බොහෝ පාඨකයන්ගේ ධර්ම ඥානය මෙන්ම, සාහිත්‍ය රසය ද පුළුල් කිරීමෙහිලා සමත් විය. මෙවර...

    රහමාන් මුදියන්සේ සිංහල බළමුළු මෙහෙයවයි

    මැදින් මහ අහවර වී මැදියම ගෙවුණා පමණි. පුහුුල් පහන් එකලු කළ කැලණි නදිය මතින් උඩුගංබලා ඔරුව හබල් ගෑවේ කටුපැලැස්ස තොටුපළෙනි. බියගමින් දොම්පේ හරහා මල්වානට...

    ප්‍රාග් ඓතිහාසික වංශකථාවට නව මානයක් එක් කළ කුරුවිට බටදොඹ ලෙන

    මානව ශිෂ්ටාචාරයේ මුල්ම මානවයන් දකුණු අප්‍රිකාවෙන් බිහි වූ පසු සුවදායි මෙන්ම ආහාර සහිත පරිසර කලාප සොයා ගිය ගමනේ නවාතැන් පොළක් ලෙස ශ්‍රී ලංකාව හැඳින්වීමට...

    දුවගේ වැඩ නිසා SSP තාත්තා සාමාන්‍ය රාජකාරියට මාරු කරයි.

    පසුගිය දිනෙක රියැදුරු බලපත් නොමැතිව රිය පදවා කුරුදුවත්තේදී කෝටි 6කට ආසන්න අලාභයක් කළ බව කියන දියණියගේ පියා වන නුගේගොඩ කොට්ඨාසය භාර ජ්‍යෙෂ්ඨ පොලිස් අධිකාරිවරයාට...

    Don't Miss

    Stay in touch

    To be updated with all the latest news, offers and special announcements.