නිරෝධායන නියෝගවලට පටහැණිව වැඩ කළොත් වසර 5ක සිර දඬුවම්

0
7

නිරෝධායන නියෝගයකට පටහැණිව කටයුතු කරන හෝ සත්‍ය තොරතුරු වසන් කර යම් ලේඛනවල අසත්‍ය තොරතුරු සටහන් කරන පුද්ගලයන්ට නිරෝධායන ආඥා පනත යටතේ වසර 5ක සිර දඬුවම් ලබා දිය හැකි බව නියෝජ්‍ය පොලිස්පති පොලිස් මාධ්‍ය ප්‍රකාශක නීතිඥ අජිත් රෝහණ මහතා පවසයි. මෙරට අපරාධ නීතියේ 399වන වගන්තියේ සඳහන් වන පරිදි අනෙකකු ලෙස පෙනී සිටීමෙන් වංචා කිරීමේ වරදට ද හසු වන බවත් යම් අයෙක් තොරතුරු සටහන් කිරීමට ඇති ලේඛනවල අසත්‍ය තොරතුරු සටහන් කරන්නේ නම් එය කූට ලේඛන සකස් කිරීමේ වරදට ද යටත් වන බවත් පොලිස් මාධ්‍ය ප්‍රකාශකවරයා සඳහන් කරයි.

යම් පුද්ගලයන් ඇඳිරි නිති බලපත් ගෙන තවත් පුද්ගලයන්ට විකුණා ඇති සිද්ධීන් සම්බන්ධයෙන් වාර්තා වීම් ඇති බවට ‘දිනමිණ’ සිදු කළ විමසීමකට පිළිතුරු දෙමින් ඒ මහතා මේ බව කියා සිටියේය.ඉකුත් දිනවල ඇඳිරි නිති බලපතක් ගත් පුද්ගලයෙක් එම බලපත්‍රය ඡායාරූප ගතකරමින් එහි පිටපතක් රුපියල් 15000ක මුදලකට විකිණිම සම්බන්ධයෙන් විමර්ශන සිදු කරන බවද ඒ මහතා කියා සිටියේය.

සුභාෂිණී සේනානායක, රක්ෂණ ශ්‍රියන්ත

LEAVE A REPLY

Please enter your comment!
Please enter your name here