24 C
Colombo
Thursday, November 26, 2020

‘ස්පුට්නික් 5’ 95%ක් සාර්ථකයි

Author(s): මහින්ද අලුත්ගෙදරනව කොරෝනා වයිරසයට එරෙහිව නිෂ්පාදනය කළ ‘ස්පුට්නික් 5’ එන්නත සියයට 95ක්ම සාර්ථක වී ඇතැයි එම එන්නතේ සායනික අත්හදා බැලීම්වල දෙවැනි අන්තර්කාලීන විශ්ලේෂණ දත්ත...
More

    Latest Posts

    දුවගේ වැඩ නිසා SSP තාත්තා සාමාන්‍ය රාජකාරියට මාරු කරයි.

    පසුගිය දිනෙක රියැදුරු බලපත් නොමැතිව රිය පදවා කුරුදුවත්තේදී කෝටි 6කට ආසන්න අලාභයක් කළ බව කියන දියණියගේ පියා වන නුගේගොඩ කොට්ඨාසය භාර ජ්‍යෙෂ්ඨ පොලිස් අධිකාරිවරයාට...

    මින් පසු රජයේ ආයතවලින් වෙළද දැන්වීම් නෑ.

    රජයෙන් සියලුම මාධ්‍ය ආයතන වෙත ලබා දී තිබූ වෙළෙද දැන්වීම් වහාම අත්හිටුවන ලෙස ජනාධිපති ගෝඨාභය රාජපක්ෂ  නියෝග කොට ඇත. ඒ අනුව ආණ්ඩුවේ ආයතන, සංස්ථා,...

    අම්බලන්ගොඩ අම්මටයි,තාත්තටයි කොරෝනා…ළමයි පාසල් ගිහින්.

    පාසැල් යළි විවෘත කිරීමෙන් අනතුරුව අධ්‍යාපන කටයුතු සඳහා (23) දිනයේදී පාසැල් පැමිණි එකම පවුලේ ළමුන් දෙදෙනෙකුගේ දෙමාපියන් හට කොවිඩ්  වෛරසය ආසාදනය වී ඇති බවට...

    බදු වංචාව ගැන ජනපති නියමයෙන් පරික්ෂණයක්… වයඹ අරක්කු පටන් ගන්න අලිරාජාත් මිලියන 150ක් දිලා.

    බදු වංචාවක් පිළිබදව සමාජ මාධ්‍ය එස්සේ මෙසේ සටහන් වී තිබිණි…………………………………………………………………….. අමාත්‍ය ජොන්ස්ටන් ප්‍රනාන්දුට අයත් වයඹ ඩිස්ටලරීස් සමාගම බදු වංචා කරමින් නියමිත ක්‍රියා පටිපාටියට පිටින් යමින්...

    බහුජාතික ඇමරිකානු උප ජනාධිපතිනිය දක්වා කමලා හැරිස් පැමිණියේ මෙහෙමයි

    14 නොවැම්බර්, 2020

    ඇමරිකානු ජනාධිපතිවරණය ජෝ බයිඩ්න් විශිෂ්ට ලෙස ජයගත්තද ලොව පුරා වැඩියෙන්ම කතාබහට ලක් වූයේ ඔහු නොව, ඔහුගේ උප ජනාධිපති අපේක්ෂිකාව වූ කමලා හැරිස්ය. ඇයගේ ආසියාතික මිශ්‍ර ජන්මය මෙන්ම ප්‍රථම වරට කාන්තාවක් උප ජනාධිපතිවීම මෙන්ම ඇයගේ පෞරුෂය යනාදිය මේ කතාබහට හේතු විය. සැබවින්ම කමලා හැරිස් එතරම්ම අවධානයට ලක් විය යුතු තරමේ කාන්තාවකි. පිරිමියකුටත් වඩා පෞරුෂයකින් මෙන්ම කාන්තා ලාලිත්‍යයෙන්ද පිරිපුන් ඇය රාජ්‍ය නායිකාවක් සතු ගති ලක්ෂණ බොහොමයකින් සමන්විත වන්නීය.

    ඇය සතු ආසියාතික සහ කැරිබියානු මිශ්‍ර ජන්මය බයිඩ්න්ට සංක්‍රමණික ඇමරිකානුවන්ගේ ඡන්ද මලු පිටින් ලබාගැනීමට උපකාරී වූ බවට සැක නැත. කමලා හැරිස්ට ‘කමලා’ යන නම හිමිවන්නේ ඇයගේ ඉන්දියානු මවගෙනි. ජැමෙයිකානු ඇමරිකානුවකු වූ ඇයගේ පියාගෙන් ඇයට ලැබුණේ පවුලේ නම හෙවත් ‘හැරිස්’ යන්නයි.

    කමලාගේ මව වන ශාමලා ගෝපාලන් උපත ලබා ඇත්තේ තමිල්නාඩුවේදීය. ඇයගේ පියාවන පී. වී. ගෝපාලන් උපත ලබා ඇත්තේ තමිල්නාඩුවේ මන්නාර්ගුඩි හිදීය. මන්නනාර්ගුඩි නගරය පිහිටා ඇත්තේ තමිල්නාඩුවේ ප්‍රධාන නගරය වන චෙන්නායි හි සිට කිලෝමීටර් 310ක් ඈතිනි. එහෙත් ශාමලාගේ පියා උපත ලබන්නේ ඉන්දියාව බ්‍රිතාන්‍ය යටත් විජිතයක්ව පැවතියදී වන බව අමතක කළ යුතු නැත.

    පසුව වැඩිදුර අධ්‍යාපනය සඳහා ඇමරිකාවට පැමිණෙන ශාමලා එහිදී ඇයට හමුවන ජැමෙයිකානු ජාතිකයකු වන ඩොනල්ඩ් ජේ හැරිස් සමඟ විවාහ වන්නීය. කමලා සහ මායා ඔවුන් දෙපළගේ දරුවන්ය.

    කෙසේ වුවද කමලාගේ මේ ඉන්දියානු නැදෑකම ඉන්දියානුවන් පමණක් නොව ආසියාතිකයන්ද සැමරුවේ මහ ඉහළිනි. විශේෂයෙන්ම ඉන්දියාවේ කමලාගේ ජය පතා විශේෂ පූජාවන්ද පැවැත්වුණු අතර, කමලාගේ මවගේ උපන් ගමේ ගම්වැසියෝ ඇයගේ ජයග්‍රහණයෙන් පසු තම නිවෙස් ඉදිරිපස කෝලම් රටා දමා සැරසීමටද කටයුතු කළහ.

    ඉතා තරුණ පෙනුමකින් සහ පෞරුෂයකින් යුතු වුවද කමලා හැරිස්ට මේ වන විට වයස අවුරුදු පනස් හයකි. ඇය උපත ලබා ඇත්තේ ඇමරිකාවේ ඔක්ලන්ඩ් ප්‍රාන්තයේදීය. හාවර්ඩ් විශ්ව විද්‍යාලයෙන් මෙන්ම කැලිෆෝර්නියා විශ්ව විද්‍යාලයෙන්ද උපාධි ලබා සිටින කමලා දේශපාලනයට ප්‍රවිෂ්ට වන්නේ සැන් ප්‍රැන්සිස්කෝ නගරයෙනි. ඒ 2011 වර්ෂයේදීය. පසුව 2017 වසරේදී කැලිෆොර්නියාවේ නීතිපති ලෙස කටයුතු කරන කමලා හැරිස් එම වසරේදීම කැලි‌ෆෝර්නියාව නියෝජනය කරමින් සෙනෙට් සභාවේ අසුනකට හිමිකම් කියන්නීය.

    ඩිමොක්‍රටික් පක්ෂයේ ජනාධිපති අපේක්ෂකත්වය දිනූ ජෝ බයිඩ්න් විප්ලවීය තීරණයක් ගනිමින් තම උප ජනාධිපති අපේක්ෂිකාව ලෙස කමලා හැරිස් තෝරා ගැනීමත් සමඟම ඇය ඉතා කැපීපෙනෙන සහයෝගයක් ජෝ බයිඩ්න්ට ලබා දීමට සමත් වූවාය.

    ඩග්ලස් එම්හෝෆ් සමඟ 2014 වසරේදී විවාහ වූ කමලා මේ වන විට හැරිස්ගේ ප්‍රථම විවාහයේ දරු දෙදෙනාට මවක් වී සිටින්නීය. ඇය බැප්ටිස්ට් ආගම් භක්තිකයකු වනු අතර තමා ‘බහුජාතික ඇමරිකානුවකු’ ලෙස හඳුන්වාදීමට වැඩි කැමැත්තක් දක්වන්නීය. නීතිපතිවරයෙකු ලෙස කටයුතු කිරීමේද දැඩි තීන්දු ලබා දෙන්නියක ලෙස ප්‍රසිද්ධියක් ඉසිලූ කමලා ලබන ජනවාරි 20 වැනි දින සිට ඇමරිකාවේ ප්‍රථම කාන්තා උප ජනාධිපතිවරිය ලෙස තම රාජකාරි අරඹනු ඇත.

     

     

    Latest Posts

    දරු සෙනෙහසේ අරුමය!

    පූජාවලියෙහි රස මුසු තැන් කෙරෙහි පසුගිය ලිපි දෙකෙන් අප කළ අනාවරණ, බොහෝ පාඨකයන්ගේ ධර්ම ඥානය මෙන්ම, සාහිත්‍ය රසය ද පුළුල් කිරීමෙහිලා සමත් විය. මෙවර...

    රහමාන් මුදියන්සේ සිංහල බළමුළු මෙහෙයවයි

    මැදින් මහ අහවර වී මැදියම ගෙවුණා පමණි. පුහුුල් පහන් එකලු කළ කැලණි නදිය මතින් උඩුගංබලා ඔරුව හබල් ගෑවේ කටුපැලැස්ස තොටුපළෙනි. බියගමින් දොම්පේ හරහා මල්වානට...

    ප්‍රාග් ඓතිහාසික වංශකථාවට නව මානයක් එක් කළ කුරුවිට බටදොඹ ලෙන

    මානව ශිෂ්ටාචාරයේ මුල්ම මානවයන් දකුණු අප්‍රිකාවෙන් බිහි වූ පසු සුවදායි මෙන්ම ආහාර සහිත පරිසර කලාප සොයා ගිය ගමනේ නවාතැන් පොළක් ලෙස ශ්‍රී ලංකාව හැඳින්වීමට...

    දුවගේ වැඩ නිසා SSP තාත්තා සාමාන්‍ය රාජකාරියට මාරු කරයි.

    පසුගිය දිනෙක රියැදුරු බලපත් නොමැතිව රිය පදවා කුරුදුවත්තේදී කෝටි 6කට ආසන්න අලාභයක් කළ බව කියන දියණියගේ පියා වන නුගේගොඩ කොට්ඨාසය භාර ජ්‍යෙෂ්ඨ පොලිස් අධිකාරිවරයාට...

    Don't Miss

    Stay in touch

    To be updated with all the latest news, offers and special announcements.