24 C
Colombo
Wednesday, May 19, 2021
More

    Latest Posts

    ටෝකියෝ ඔලිම්පික් උලෙළේ බලාපොරොත්තු ඉහළ යයි

    - Advertisement -

    කොවිඩ් වසංගතය හේතුවෙන් ලබන වසරට කල් දැමූ ටෝකියෝ ඔලිම්පික් ක්‍රීඩා උලෙළ නැරැඹීමට ක්‍රීඩාලෝලීන්ට අවස්ථාව උදාවනු ඇතැයි අන්තර්ජාතික ඔලිම්පික් කමිටුවේ සභාපති තෝමස් බැච් විශ්වාසය පළ කළේය. ලබන වසරේදී ඔලිම්පික් ක්‍රීඩා උලෙළ පවත්වනු ලබන ආකාරය සම්බන්ධව සාකච්ඡා කරමින් ඔහු මේ දිනවල ජපානයේ රැඳී සිටී.

    ජපාන ඔලිම්පික් කමිටුව සමග එක්වී වසර 2021 ඔලිම්පික් උලෙළ යථාර්ථයක් බවට පත් කිරීමට අපට හැකි සෑම උත්සාහයක්ම දරනවා. ක්‍රීඩා උලෙළ නැරැඹිමට ප්‍රේක්ෂකයන්ට අවස්ථාවක් ලැබෙනු ඇතැයි අපි තරයේම විශ්වාස කරනවා.‘ ජපාන අගමැති යොෂිහිඩා සුගා මුණ ගැසීමෙන් අනතුරුව අන්තර්ජාතික ඔලිම්පික් කමිටුවේ සභාපතිවරයා වාර්තාකරුවන්ට ප්‍රකාශ කළේය.

    - Advertisement -

    තෝමස් බැච්ගේ ජපාන සංචාරය යෙදී තිබුණේ මේ මස මුල් භාගයේදී එරට පැවැති ජිම්නාස්ටික් තරගාවලියකට පසුවය. රටවල් ගණනාවකින් ක්‍රීඩක ක්‍රීඩිකාවන් 22ක් සහ ක්‍රීඩාලෝලීන් විශාල පිරිසක් මේ තරගාවලියට එක්වී සිටියහ. ජපානයට පැමිණීමට පෙර එම ක්‍රීඩක ක්‍රීඩිකාවන් දින 14ක නිරෝධායන කාල සීමාවක් ගත කර තිබූ අතර, ජපානයට පැමිණීමෙන් පසුව දැඩි සෞඛ්‍යාරක්ෂක ක්‍රමවේද යටතේ ටෝකියෝ නුවර හෝටලයකදී ඔවුන් හුදෙකලා කොට තිබිණි. එමෙන්ම ඔවුන් දෛනිකව පීසීආර් පරීක්ෂණ සඳහා යොමු කිරීමට ද තරග සංවිධායකයෝ කටයුතු කළහ.

    ලබන වසරේ ජූලි මාසයේ දී පැවැත්වීමට නියමිත ටෝකියෝ ඔලිම්පික් උලෙළට රටවල් 200කින් ක්‍රීඩක ක්‍රීඩිකාවන් 11,000කට වැඩි පිරිසක් එක්වීමට නියමිතය.

    - Advertisement -

    Latest Posts

    Don't Miss

    Stay in touch

    To be updated with all the latest news, offers and special announcements.