24 C
Colombo
Sunday, May 16, 2021
More

    Latest Posts

    කවුරු කොහොම කිවුවත් රටේ තාරුණ්‍යය ශක්තිමත්

    - Advertisement -

    තාරුණ්‍යය අද වැඩි කතාබහට ලක් වන්නේ විවේචනයන්ටය. එය සෑම පුද්ගලයාටම පාහේ ජීවීතයට අලුත් පිටුවක් පෙරළන යුගයකි. අභියෝග රැසකට මුහුණ දීමට සිදුවන අවධියක්. කඩඉම් විභාග, ප්‍රථම ආදරය, ප්‍රථම රැකියාව වගේ ජීවිතේ හරි හරියට පටන් ගන්න දණ ගාන්නෙ මේ කාලේ. ඉතින් මේ හැමදේම අස්සේ ජයග්‍රහණ වගේම පරාජයනුත් සෙවනැල්ලක් වගේ පස්සෙන්ම ඉන්න කාලයක් තමයි මේ තාරුණ්‍ය.

    තරුණ විසේ අස්සෙ අවිවේකය, අනාගතය පිලිබඳ ඇති දෙගෙඩියාව, විවිධ පාර්ශ්ව වෙතින් එල්ල වන පීඩනය නිසා මානසික රෝගයන් බෝවන රෝගයන් බවට පත්ව ඇත. මෙවැනි අභියෝග නිසා  ශාරීරිකව, මානසික සෞඛ්‍ය පිළිබඳව සොයා නොබලා කටයුතු කරන තත්වයක දී ඔබට, ඔබ මහා සාගරය මැද අතරමංවී පෙනෙන තෙක් මානයක උදවු ඉල්ලීමට පුද්ගලයකු හෝ තෙරක් නොපෙනෙන අයකු ලෙස හැඟෙනු ඇත. මෙවැනි තත්ත්වයන් කාංසාව ලෙස මනෝ විද්‍යාවේදී හදුන්වයි.

    - Advertisement -

    ඉක්මනින් විඩාවට පත් වීම, මානසික ඒකාග්‍රතාව නොමැති වීම, කලබලකාරී හැසිරීම් රටාව යනාදිය මෙහි රෝග ලක්ෂණ වේ. මෙය සැණෙකින් හට ගන්නා මානසික තත්වයක් නොවේ. දීර්ඝ කාලයක සිට පවතින මානසික දුර්වලතාවයක ප්‍රතිපලයකි. තරුණ බව තුළ ශාරීරික ශක්තිය මැනවින් පිහිටා තිබුණද කාංසා තත්ත්වය ප්‍රතිශක්තිකරණයට පවා අභියෝග එල්ල කරනු ලබයි. වර්තමානයේ පවතින කොවිඩ් 19 වැනි සමාජ ගැටලු අවස්ථා වලදී ඒවා වැඩි වශයෙන් බලපානු ලබන්නේ තාරුණ්‍යයටයි. ඉදිරි අනාගතය පිළිබද අනියත බියකින් කාලයක් තිස්සේ සිටීමට සිදු වීම නිසා ඉච්ඡාභංගත්වයට පත් වන්නන් කටුක මානසික තත්ත්වයකට මුහුණ දේ.

    මෙසේ කාංසාව බලපෑම් ඇති කරනවා සේම අපට යම් කටයුත්තක් වඩාත් හොඳින් කිරීමට ඍජුව උනන්දු කරවන සාධකයක් වන අවස්ථා ද ඇති විය හැකිය. තම අනාගතය පිළිබඳව ඇති විය හැකි බිය සම්බන්ධයෙන් සිතමින් සිටින විට එයට හොඳින් මුහුණ දීමට පෙර සූදානම් වීම මීට කදිම නිදසුනකි.

    කාංසාව ඔබ රෝගියෙකු හෝ නරක පුද්ගලයකු ලෙස සලකුණු ලැබීමට තුඩු දෙන කරුණක් නොවේ. එය ඔබට ඔබගේ මනස හරි මගට ගැනීමට ලැබෙන අනතුරු ඇඟවීමකි. දැනට රටේ තිබෙන තත්ත්වය සෑම පුද්ගලයකුටම මෙම අවස්තාවේ දී සමානව අත්විඳීමට සිදුවන ගැටලුවකි. එය අප තේරුම් ගත යුතුය. මෙම මානසික තත්ත්වය තමා තුළින්ම පහසුවෙන්ම කෙටි කාලයක් තුළ නිරාකරණය කර ගත හැකිය. නමුත් එය පාලනය කර ගත නොහැකි බව වැටහුනහොත් මෙම මානසික තත්ත්වය පිළිබදව තම පවුලේ අය, සමීපතම යහළුවකු හෝ මනෝ උපදේශක‍ෙයකුගෙන් උපදෙස් පැතීම යෝග්‍ය වේ.

    - Advertisement -

    කෙසේ වෙතත් කොවිඩ් 19 පමණක් නොව ජීවිතයට මොනයම් ආකාරයේ වුව අභියෝගයකට, ගැටලුවකට මුහුණ දීමට තරම් අප රටේ තාරුණ්‍යය ශක්තිමත් ය. එබැවින් මේ ගෙවෙන කාලය තුළ කාංසාවට පරාජය නොවී බලපොරොත්තු ඉටු කර ගන්න පියවරක් ඉදිරියට තබමු.

     

     T.N.නිලක්ෂි

    - Advertisement -

     

    - Advertisement -

    Latest Posts

    Don't Miss

    Stay in touch

    To be updated with all the latest news, offers and special announcements.