ගම් වදින අලි එලවන්න ඩ්‍රෝන කැමරා තාක්ෂණය යොදා ගනී!

0
37

ගම් වදින වන අලි පළවා හැරීම සඳහා ඩ්‍රෝන කැමරා තාක්ෂණය යොදා ගැනීමට වනජීවි සංරක්ෂණ දෙපාර්තමේන්තුව පියවර ගෙන තිබේ.

එහි නියමු ව්‍යාපෘතිය මේ දිනවල මාතලේ, නාවුල, රත්ගම්මන ප්‍රදේශය ආශ්‍රිතව ක්‍රියාත්මකය.

වනජීවි සංරක්ෂණ දෙපාර්තමේන්තුවේ මෙහෙයුම් අධ්‍යක්ෂ එම්.එස්.ආර්.සී. මාරසිංහ මහතා සඳහන් කළේ, ශ්‍රී ලංකා යුද හමුදාවේ පර්යේෂණ ඒකකය හා නාවික හමුදාව එක්ව එය ක්‍රියාත්මක කරන බවයි.

මෙහි සාර්ථකත්වය මත දිවයිනේ සෙසු ප්‍රදේශවල වන අලි පළවා හැරීමේ මෙහෙයුම්වලට ඩ්‍රෝන කැමරා තාක්ෂණය යොදා ගැනීමට සැලසුම් කර ඇති බව ඔහු ප්‍රකාශ කළේ ය.

මේ අතර රත්ගම්මන ප්‍රදේශයේ සිටින වන අලි ඩ්‍රෝන යොදා ගනිමින් ග්‍රාම නිලධාරී කොට්ඨාස 5 කින් පමණ මොරගහකන්ද රක්ෂිතය වෙතට පළවා හැර ඇති බව එහි සිටින වනජීවි නිලධාරීන් පැවසූහ.

LEAVE A REPLY

Please enter your comment!
Please enter your name here