24 C
Colombo
Saturday, March 6, 2021

එන්නතෙන් පසු දින 2කට වැඩියෙන් උණ නම් වෛද්‍ය උපදෙස් ගන්න – වෛද්‍ය හේමන්ත හේරත්

Author(s): සන්ධ්‍යා කරුණාරත්නකොවිඩ් එන්නත ගැනීමෙන් පසු කිසියම් පුද්ගලයකුට උණ ස්වභාවය දින දෙකකට වඩා පවතින්නේ නම් වෛද්‍ය උපදෙස් ලබා ගත යුතු බව නියෝජ්‍ය අධ්‍යක්ෂ ජනරාල් (සෞඛ්‍ය...
More

    Latest Posts

    ශ්‍රී ලංකා වරාය අධිකාරියට නව නියමු යාත්‍රාවක්

    - Advertisement -
    ශ්‍රී ලංකා වරාය අධිකාරිය සඳහා නිෂ්පාදනය කළ නව නියමු යාත්‍රාවක් කොළඹ වරාය වෙත ලබා දීම ඊයේ (22) දින  පෙරවරුවේ සුභ මොහොතින් කොළඹ නැව් තඨාංගණ පරිශ්‍රයේ දී සිදු විය.
     
    මෙහි දී උත්සව සභාව ඇමතූ ගුදම් පහසුකම්, බහලුම් අංගන, වරාය සැපැයුම් පහසුකම්, බෝට්ටු හා නැව් කර්මාන්ත සංවර්ධන ගරු රාජ්‍ය අමාත්‍ය ජයන්ත සමරවීර මහතා, අද දවස ශ්‍රී ලංකාවේ යාත්‍රා නිෂ්පාදනයේ සුවිශේෂී දවසක් ලෙස තමා සලකන බවත්, ශ්‍රී ලංකාවේ නැව් නිෂ්පාදන කර්මාන්තයේ ප්‍රමුඛ ආයතනයක් වන කලම්බු ඩොක් යාර්ඩ් ආයතනයේ විශිෂ්ටත්වය විදහා දක්වමින් මෙම යාත්‍රාව විශිෂ්ට ලෙස නිර්මාණය කර ඇති බවත් පවසී ය.  තව ද එතුළින් ශ්‍රී ලංකාව තුළ යාත්‍රා නිෂ්පාදනය පිළිබඳ ධනාත්මක ආකල්ප ගොඩ නැංවීමට මෙම පියවර තිර සාධකයක් වන බවත් අවධාරණය කළේ ය.
     
    කොළඹ නැව් තඨාකාංගණ ආයතනය විසින් නිෂ්පාදනය කරන ලද මෙම නියමු යාත්‍රාව ස්කොට්ලන්තයේ මැක්ඩෆ් ආයතනය විසින් නිර්මාණය කර ඇති අතර, එය මීටර් 19ක දිගකින් යුක්ත ය.  නාවික නියමුවන් සිව් දෙනෙකු හා නාවිකයන් සිව් දෙනෙකු ට පහසුවෙන් යාත්‍රා කිරීමට හැකි වන පරිදි මෙම යාත්‍රාව නිර්මාණය කර ඇත.  පැය ට නාවික සැතපුම් 22ක වේගයෙන් යාත්‍රා කළ හැකි මෙම යාත්‍රාව ශ්‍රී ලංකාවේ පවතින ඕනෑම කාළගුණ තත්ත්වයක දී ක්‍රියා කිරීමට හැකි ලෙසින් නිෂ්පාදනය කර තිබීම විශේෂත්වයකි.
     
    රටේ පවතින වසංගත තත්ත්වය සැලකිල්ලට ගෙන රජයේ සෞඛ්‍ය නීති හා රෙගුලාසි වලට අනකූලව පැවැති මෙම චාම් උත්සව අවස්ථාවට ගුදම් පහසුකම්, බහලුම් අංගන, වරාය සැපයුම් පහසුකම්, බෝට්ටු හා නැව් කර්මාන්ත සංවර්ධන රාජ්‍ය අමාත්‍යංශයේ ලේකම් ඩී.ඩී. මාතරආරච්චි, ශ්‍රී ලංකා වරාය අධිකාරිය සභාපති ජෙනරාල් දයා රත්නායක, ශ්‍රී ලංකා වරාය අධිකාරිය උප සභාපති මහාචාර්ය ප්‍රසන්ත ජයමාන්න,  හාබර් මාස්ටර් කපිතාන් නිර්මාල් සිල්වා මහතා ඇතුලු ශ්‍රී ලංකා වරාය අධිකාරියේ නිළධාරීන් රැසක් හා කොළඹ නැව් තඨාකංගණ සමාගමේ සභාපති එච්. තනාකා, කළමණාකාර අධ්‍යක්‍ෂ/ප්‍රධාන විධායක නිළධාරී ඩී.වී. අබේසිංහ මහතා ඇතුළු උසස් නිළධාරී හූ රැසක් එක්වූ හ.
     

    The article first published on dinamina.lk ⋆෴⋆

    - Advertisement -

    Latest Posts

    Don't Miss

    Stay in touch

    To be updated with all the latest news, offers and special announcements.