24 C
Colombo
Sunday, September 19, 2021
More

    Latest Posts

    විස්සයි විස්ස ලෝක කුසළානයේ උපදේශකවරයෙකු ලෙස මහේල කැදවීමට අවධානය!

    - Advertisement -

    මෙවර පන්දුවාර විස්සයි විස්ස ලෝක කුසලාන තරගාවලියට එක්වන ශ්‍රී ලංකා කණ්ඩායමේ උපදේශකයෙකු ලෙස ශ්‍රී ලංකා කණ්ඩායමේ හිටපු නායකයෙකු වන මහේල ජයවර්ධන පත් කිරීම කෙරෙහි ක්‍රිකට් බලධාරීන්ගෙන් අවධානය යොමුව ඇතැයි වාර්තා වනවා.

    මහේල ජයවර්ධනගේ සහාය ලබා ගැනීමට ඇති හැකියාව සම්බන්ධයෙන් විමසා බලන ලෙස ක්‍රිකට් ආයතනයේ ප්‍රධානීන් ක්‍රිකට් කමිටුවෙන් ඉල්ලීමක් කර ඇති බවයි නෙත් ස්පෝර්ට්ස්මන් වෙත වාර්තා වන්නේ.

    - Advertisement -

    මහේල ජයවර්ධන මේ වන විට මුම්බායි ඉන්දියන්ස් කණ්ඩායමේ ප්‍රධාන පුහුණුකරු ලෙස කටයුතු කරන අතර ඔහුගේ පුහුණුකාරීත්වය යටතේ මුම්බායි ඉන්දියන්ස් කණ්ඩායම අවස්ථා 3කදී අයි පී එල් ශූරයින් බවට පත් වුණා.

    මහේල ජයවර්ධන සැලකෙන්නේ ලීග් ක්‍රිකට් තරගාවලිවල සාර්ථකම පුහුණුකරුවෙකු ලෙසයි.

    මෙවර විස්සයි විස්ස ලෝක කුසලාන ක්‍රිකට් තරගාවලියට එක්වන කණ්ඩායම් රැසක් සිය කණ්ඩායමේ උපදේශකයින් ලෙස අත්දැකිම් බහුල හිටපු ක්‍රීඩකයින් එක්කරගෙන තිබෙනවා. ඉන්දීය කණ්ඩායම ඒ සදහා පත් කර ඇත්තේ හිටපු නායක මහේන්ද්‍රසිං දෝනියි. ජේ පී ඩුමිනි මෙවර ලෝක කුසලාන තරගාවලියට එක්වන දකුණු අප්‍රිකානු කණ්ඩායමේ උපදේශකයෙකු ලෙස පත්කර තිබෙනවා.

    - Advertisement -

    මේ අතර සංචාර දකුණු අප්‍රිකානු කණ්ඩායම සහ ශ්‍රී ලංකා කණ්ඩායම අතර 3 වන සහ අවසන් පන්දුවාර විස්ස ක්‍රිකට් තරගය කොළඹ ආර් ප්‍රේමදාස ක්‍රිඩාංගණයේදී අද පැවැත්වෙනවා. තරගය රාත්‍රි 7ට ආරම්භ වීමට නියමිතයි.

    The post විස්සයි විස්ස ලෝක කුසළානයේ උපදේශකවරයෙකු ලෙස මහේල කැදවීමට අවධානය! appeared first on Colombo Tribune.

    The article first published on colombotribune.com ⋆෴⋆

    - Advertisement -

    Latest Posts

    Don't Miss

    Stay in touch

    To be updated with all the latest news, offers and special announcements.